చంద్రబాబుతో కేసీఆర్.. అరుదైన ఫొటోలు.. వైరల్

తెలంగాణ రాష్ట్ర సమితి ఆవిర్భావానికి ముందు కేసీఆర్ టీడీపీలో మంత్రిగా పనిచేశారు. చంద్రబాబు నాయకత్వంలో కేసీఆర్ పనిచేశారు. అనంతరం ఉద్యమ బాట పట్టి తెలంగాణ రాష్ట్ర సాధనలో కీలక భూమిక పోషించారు. తాజాగా వారిద్దరి ఫొటోలు వైరల్ అవుతున్నాయి.

టీపీసీసీ చీఫ్‌గా రేవంత్ రెడ్డి నియమితులైనప్పటి నుంచి అధికార టీఆర్‌ఎస్ చంద్రబాబు కోవర్ట్ అంటూ విమర్శలు చేస్తోంది. పదవి వస్తూనే కాంగ్రెస్ శ్రేణుల్లో జోష్ నింపుతూ ముందుకెళ్తున్న రేవంత్‌ దూకుడుకి అడ్డుకట్ట వేసేందుకు గులాబీ నేతలు ఘాటుగానే కౌంటర్లేస్తున్నారు. రాష్ట్ర వ్యాప్తంగా సంచలనంగా మారిన మంత్రి మల్లా రెడ్డి, రేవంత్ రెడ్డి సవాళ్లపై మంత్రి కేటీఆర్ కూడా ఆసక్తికర వ్యాఖ్యలు చేశారు. ఆ చిలక మనదే కానీ పలుకే పరాయిది అంటూ సెటైర్లు వేశారు. మా మంత్రికి కాస్త జోష్ ఎక్కువ. అందుకే రియాక్ట్ అయ్యారని.. కుక్కకాటుకి చెప్పుదెబ్బ అంటూ ఘాటుగా స్పందించారు. చంద్రబాబు ఫ్రాంచైజీ తెలంగాణ కాంగ్రెస్ అంటూ తీవ్రస్థాయిలోనే విరుచుకుపడ్డారు.

అయితే చంద్రబాబు వ్యవహారం తెరపైకి రావడంతో వ్యవహారం కొత్త మలుపులు తిరుగుతోంది. సీఎం కేసీఆర్ తెలుగుదేశం అధినేత, అప్పటి సీఎం చంద్రబాబు నాయుడితో కలిసి ఉన్న ఫొటోలు సోషల్ మీడియాలో విపరీతంగా వైరలవుతున్నాయి. చంద్రబాబు పక్కనే కేసీఆర్ నిల్చుని ఉన్నవి, ఆయనతోపాటు కూర్చుని చర్చిస్తున్నట్లుగా ఉన్న ఫొటోలు సోషల్ మీడియాలో చక్కర్లు కొడుతున్నాయి. ఆ ఫొటోలకు పెట్టిన క్యాప్షన్ కూడా ఆసక్తికరంగా మారింది. తెలుగుదేశం అధ్యక్షుడితో తెలుగుదేశం రాష్ట్ర సమితి అధ్యక్షుడి ఫొటోలంటూ క్యాప్షన్ ఇవ్వడంతో మరింత ఆసక్తిని రేపుతోంది. తెలంగాణ రాష్ట్ర సమితి కూడా తెలుగుదేశం నుంచి వచ్చిందనే అర్థం స్ఫురించేలా.. కేసీఆర్ కూడా అక్కడి నుంచే వచ్చారనేలా పరోక్ష విమర్శలతో పెట్టిన ఫొటోలు హల్‌చల్ చేస్తున్నాయి.

chandrababu

Also Read: ‘దళిత బంధు ఎఫెక్ట్ : చావుడప్పు కొట్టేందుకు రావట్లేదు.. ఇదేంటి కేసీఆర్ గారు.!’ ప్రతీకాత్మక చిత్రం

Leave a Reply

Your email address will not be published. Required fields are marked *

Next Post

10 వారాల గరిష్టానికి రూపాయి!

Sat Aug 28 , 2021
రూపాయి ఈ వారం లాభపడింది. శుక్రవారం కూడా రూపాయి పైపైకి కదిలింది. 53 పైసలు బలపడింది. అదే వారం ప్రాతిపదికన చూస్తే అమెరికా డాలర్‌తో పోలిస్తే ఇండియన్ రూపాయి 70 పైసలు పెరిగింది.