పదో తరగతిలోనే ప్రేమ లేఖలు.. వంతులు పెట్టుకొని మరీ వెళ్లేవాళ్లం.. ఇవీ చిరంజీవి సీక్రెట్స్

చిరంజీవితో పాఠశాల రోజుల నుంచి కాలేజీ వరకు కలిసి చదువుకున్న డాక్టర్ సత్య ప్రసాద్.. మీడియాతో మాట్లాడుతూ వాళ్ళ చిన్ననాటి సంగతులను బయటపెట్టారు. చిరంజీవికి వచ్చిన లవ్ లెటర్స్ గురించి చెప్పారు.

ప్రధానాంశాలు:చిరంజీవి బెస్ట్ ఫ్రెండ్ సత్య ప్రసాద్ ఇంటర్వ్యూస్కూల్ టైం మెమరీస్ రివీల్అమ్మాయిల నుంచి ప్రేమ లేఖలు.. చిరంజీవి తీరుఓ స్టార్ హీరో చిన్ననాటి సంగతులంటే ఎవ్వరికి మాత్రం ఇంట్రెస్ట్ ఉండదు చెప్పండి. అది కూడా మెగాస్టార్ చిరంజీవి లాంటి లెజెండ్ చైల్డ్‌హుడ్ విశేషాలంటే ఇక అక్కడ వాలిపోవాల్సిందే. తాజాగా చిరంజీవి బెస్ట్ ఫ్రెండ్ డాక్టర్ సత్య ప్రసాద్ అప్పట్లో జరిగిన సంగతులన్నీ మీడియాతో పంచుకున్నారు. చిరంజీవికి వచ్చిన లవ్ లెటర్స్ అంటూ అన్ని సీక్రెట్స్ కూడా బయటపెట్టేశారు.

చిరంజీవితో పాఠశాల రోజుల నుంచి కాలేజీ వరకు కలిసి చదువుకున్నాడు సత్య ప్రసాద్. ఇద్దరూ కూడా ప్రాణ స్నేహితులు. చిరంజీవి యాక్టర్ అయితే సత్య ప్రసాద్ డాక్టర్ అయ్యారు. స్కూల్ డేస్ నుంచి మొదలైన వీరి స్నేహం ఇప్పటికీ కొనసాగుతోంది. ఈ నేపథ్యంలో తాజాగా ఓ మీడియాతో ముచ్చటించిన డాక్టర్ సత్య ప్రసాద్ చైల్డ్‌హుడ్ మెమరీస్ అన్నీ నెమరు వేసుకున్నారు. 'మా ఇద్దరిదీ చెరో సైకిల్.. ఒకవారం నీ సైకిల్ ఒకవారం నా సైకిలు.. ఎవరి సైకిల్ అయితే వాళ్ళు కూర్చోవాలి.. రెండో వాళ్ళు తొక్కాలి' అంటూ అప్పటి పాఠశాల రోజుల్లోకి వెళ్లిపోయారు సత్య ప్రసాద్.

ఆయన మాట్లాడుతూ.. ''చిరంజీవి తండ్రి గారైన కొణిదెల వెంకట్రావ్ గారు ఎక్సయిజ్ కానిస్టేబుల్‌గా చేస్తూ ఉద్యోగరీత్యా ఎప్పుడూ ట్రాన్స్ఫర్స్ అయ్యేవారు. ఆ టైములో పిల్లల చదువులకు ఇబ్బంది రాకూడదని ఆయనను అమ్మమ్మ గారి ఊరు మొగల్తూరులో ఉంచి చదివించారు. అలా 7,10 తరగతులతో పాటు డిగ్రీ కూడా కలిసే చదువుకున్నాం. చిరంజీవి ఎప్పుడూ అల్లరి చేష్టలు చేస్తూ ఉండేవారు.. నాకేమో పుస్తకం తప్ప వేరే లోకం ఉండేది కాదు. వీళ్ళిద్దరూ ఎలా కలిశారని అందరూ అనుకునేవారు'' అని అన్నారు.

చిరంజీవి, తాను వంతులు వేసుకొని సైకిల్‌పై కాలేజీకి వెళ్ళేవాళ్ళం అని, ఒకవారం నీ సైకిల్ ఒకవారం నా సైకిలు.. ఎవరి సైకిల్ అయితే వాళ్ళు కూర్చోవాలి.. రెండో వాళ్ళు తొక్కాలి అని చిరంజీవి చెప్పిన మాటతో రోజూ అలానే కలిసి వెళ్లేవాళ్లమని చెప్పారు సత్య ప్రసాద్. అయితే కాలేజీ రోజుల్లో చిరంజీవి ఏ అమ్మాయినీ ఇష్టపడలేదు కానీ ఆయనకైతే చాలామంది ప్రేమలేఖలు రాశారని చెబుతూ సీక్రెట్స్ బయటపెట్టేశారు.
సెట్‌లో అందరూ నన్ను ట్రై చేసేవారు.. పవన్ కళ్యాణ్ సైతం అలా.. నటి జ్యోతి కామెంట్స్
పదో తరగతిలోనే చిరంజీవికి లవ్ లెటర్స్ వచ్చేవని, దాదాపు 10 నుంచి 15 ప్రేమలేఖలు ఆయనకు వచ్చాయని అన్నారు. ఆ రోజుల్లో చిరంజీవి చాలా స్టైల్‌గా ఉండేవారని, అప్పట్లోనే చాలా బ్రాడ్‌గా ఆలోచించి తనకు వచ్చిన ఆ ప్రేమలేఖలు పక్కనబెట్టే వారు తప్ప.. ఆడపిల్లల దగ్గరకు వెళ్లి ఇలా ఎందుకు రాశారు అని అడిగిన సందర్భం లేదని చెప్పారు. చిరంజీవి ఫ్యామిలీలో అందరూ తనపై ప్రేమ చూపించేవారని ఆ నాటి సంగతులను చెప్పుకొచ్చారు సత్య ప్రసాద్. చిరంజీవి ఎక్కువగా జ్యోతిలక్ష్మి పాటలు చూసేవారని, సావిత్రి అంటే ఆయనకు చాలా ఇష్టమని సత్య ప్రసాద్ తెలిపారు.

Leave a Reply

Your email address will not be published. Required fields are marked *

Next Post

ఉద్యోగులకు భారీ షాక్.. జూలై నుంచి ఆ పెంపు లేనట్లే!

Mon Apr 26 , 2021
మోదీ సర్కార్ డీఏ చెల్లిస్తామని ప్రకటించింది. అయితే చాలా మంది డీఏ పెరుగుదలతోపాటు టీఏ కూడా పెరుగుతుందని భావించారు. అయితే డీఏతోపాటు టీఏ ప్రస్తుతం పెరగడం లేదు. ఉద్యోగులు ఈ విషయాన్ని గమనించాలి.