దక్షిణ చైనా సముద్రంలో అమెరికా యుద్ద నౌక.. తరిమికొట్టామని డ్రాగన్ ప్రకటన

South China Sea దక్షిణ చైనా సముద్ర జలాల్లో తన ప్రాబల్యాన్ని పెంచుకోడానికి డ్రాగన్ చేయని ప్రయత్నం లేదు. చైనా ప్రయత్నాలను అమెరికా, భారత్‌లు సంయుక్తంగా నిలువరిస్తున్నాయి.

ప్రధానాంశాలు:దక్షిణ చైనా సముద్ర జలాలపై వివాదం.పరాసెల్ దీవులపై పట్టుకోసం ప్రయత్నాలు.అంతర్జాతీయ కోర్టు తీర్పును పట్టించుకోని చైనా.తమ ప్రాదేశిక జలాల్లోకి అక్రమంగా చొరబడిన అమెరికా యుద్ధ నౌకను తరిమికొట్టామని చైనా ప్రకటించింది. దక్షిణ చైనా సముద్రంలోని పరాసెల్‌ దీవుల వద్దకు అనుమతి లేకుండా యూఎస్‌ఎస్‌ బెన్‌ఫోల్డ్‌ నౌక ప్రవేశించిందని సోమవారం తెలిపింది. ఇది ప్రాంతీయ ఆస్థిరతను దెబ్బతీయడమేనని పీపుల్స్‌ లిబరేషన్‌ ఆర్మీ (పీఎల్‌ఏ) పేర్కొంది. ఇటువంటి చర్యలను తక్షణమే మానుకోవాలంటూ అమెరికాను చైనా హెచ్చరించింది. చైనా ప్రకటనపై అమెరికా దీటుగానే బదులిచ్చింది.

అంతర్జాతీయ చట్టాల ప్రకారమే పరాసెల్‌ దీవుల వద్ద బెన్‌ఫోల్డ్‌ తన స్వేచ్ఛను వినియోగించుకుందని అమెరికా నేవీ ఒక ప్రకటనలో వివరించింది. ‘‘దక్షిణ చైనా సముద్రం సమీపంలోని పలు దేశాలను చైనా ఇబ్బందులకు గురిచేస్తోంది.. తాజా చర్యతో ఈ జలాలు చైనా సొత్తు కాదని చూపించాం.. పరాసెల్‌ దీవులు తమవేనంటూ వాదనలు చేస్తున్న చైనా, అంతర్జాతీయ చట్టాన్ని మీరుతోంది. సముద్రాలపై స్వేచ్ఛాయుత నౌకాయానం అన్ని దేశాల ప్రయోజనాలకు కీలకం’’ అని అమెరికా స్పష్టం చేసింది.

‘దక్షిణ చైనా సముద్ర ప్రాదేశిక జలాలపై చట్టబద్దంగా తమకే హక్కుందని చైనా చెప్పుకుంటోంది. పరాసెల్ దీవుల చుట్టూ ఉన్న బేస్‌లైన్‌లు అంతర్జాతీయ చట్టానికి విరుద్ధంగా ఉన్నాయని అమెరికా నిరూపించింది’ యూఎస్ నేవీ తెలిపింది. తాజా పరిస్థితిపై అమెరికా రక్షణ విభాగానికి చెందిన ఇద్దరు అధికారులు మాట్లాడుతూ… చైనా ప్రతిచర్యల వల్లే ఈ ఆపరేషన్ నిత్యకృత్యంగా మారిందని, పెంటగాన్‌కు ఆందోళన కలిగించే విషయం కాదని వ్యాఖ్యానించారు. పేరు వెల్లడించడానికి నిరాకరించిన ఈ అధికారులు.. నిరంతర ఆపరేషన్‌లో ఓ భాగమేనని తెలిపారు.

ఇదిలా ఉండగా, దక్షిణ చైనా సముద్ర జలాలపై చైనాకు ఎటువంటి అధికారం లేదని 2016 జులై 12న అంతర్జాతీయ న్యాయస్థానం తీర్పు చెప్పింది. అయితే, ఈ తీర్పును తాము అంగీకరించబోమని డ్రాగన్ స్పష్టం చేసింది. పరాసెల్ దీవులు తమవంటే తమవేనంటూ చైనా, తైవాన్, వియత్నాం వాదిస్తున్నాయి. ఈ దీవుల గుండా ఏదైనా నౌక వెళ్లాలంటే తమ అనుమతి తప్పనిసరని అంటున్నాయి.

వనరులు సమృద్ధిగా ఉన్న ఈ ప్రాంతంలోని వందలాది ద్వీపాల కోసం బ్రూనై, చైనా, మలేషియా, ఫిలిప్పీన్స్ పోటీపడుతున్నాయి. చైనా చాలా ప్రాంతాలలోని వనరులును దోచుకోడానికి ప్రయత్నిస్తోంది. ‘స్కార్‌బరో షోల్‌లో సాంప్రదాయ ఫిలిప్పీన్స్ హక్కులలో చైనా జోక్యం చేసుకుంది.. రీడ్ బ్యాంక్ సమీపంలో చమురు, గ్యాస్ నిక్షేపాల అన్వేషణ ద్వారా ఆ దేశ సార్వభౌమ హక్కులను ఉల్లంఘించింది’అని అంతర్జాతీయ న్యాయస్థానం తన తీర్పులో వ్యాఖ్యానించింది.

చైనా చర్యలపై అమెరికా విదేశాంగ మంత్రి అంటోని బ్లింకేన్ తీవ్రంగా మండిపడ్డారు. జలమార్గాల్లో స్వేచ్చగా ప్రయాణం అన్ని దేశాలకు శాశ్వతమైన ఆసక్తికరంగా ఉంటుందని అన్నారు. దక్షిణ చైనా సముద్రం జలమార్గంలో తప్ప మరెక్కడా నిబంధనలకు ముప్పు లేదు అని వ్యాఖ్యానించారు.

Leave a Reply

Your email address will not be published. Required fields are marked *

Next Post

భారత మాజీ క్రికెటర్ యశ్‌పాల్ శర్మ మృతి.. 1983 World Cup మెంబర్

Tue Jul 13 , 2021
1983 వన్డే ప్రపంచకప్ ఫైనల్లో నాలుగో స్థానంలో బ్యాటింగ్‌కి వెళ్లిన యశ్‌పాల్ శర్మ 32 బంతులు ఎదుర్కొని కేవలం 11 పరుగులే చేశాడు. ఆ తర్వాత రెండేళ్లకే అతని కెరీర్...