Punjab crisis అవమానాల మధ్య కొనసాగలేను.. విసిగిపోయి రాజీనామాకు సిద్ధమైన పంజాబ్ సీఎం

పంజాబ్‌ ముఖ్యమంత్రి అమరీందర్ సింగ్‌కి సిద్ధూ రూపంలో అసమ్మతి సెగలు గట్టిగా తగులుతున్నాయి. తొలుత మంత్రివర్గంలో చేరిన సిద్ధూ.. తర్వాత ఆయనతో విబేధించి రాజీనామా చేశారు.

ప్రధానాంశాలు:పంజాబ్ కాంగ్రెస్‌లో తారాస్థాయికి వర్గ విబేధాలు.పదవికి రాజీనామా యోచనలో సీఎం అమరీందర్.వారసుడి ఎంపిక కోసం పంజాబ్ సీఎల్పీ సమావేశం. పంజాబ్‌ కాంగ్రెస్ ప్రభుత్వంలో కొన్నాళ్లుగా కొనసాగుతున్న అసమ్మతి రోజుకో మలుపు తిరుగుతోంది. రాజకీయ సంక్షోభం మరింత ముదిరింది. పంజాబ్‌ పీసీసీ అధ్యక్షుడు నవజోత్ సింగ్ సిద్ధూ, ముఖ్యమంత్రి కెప్టెన్ అమరీందర్ సింగ్ మధ్య విభేదాలు తారాస్థాయికి చేరుకున్నాయి. ఈ నేపథ్యంలో ముఖ్యమంత్రి పదవికి రాజీనామా చేసే యోచనలో అమరీందర్‌ సింగ్‌ ఉన్నట్లు తెలుస్తోంది. తాజా పరిణామాలతో విసిగిపోయానని.. అవమానాల మధ్య పదవిలో కొనసాగలేనని అమరీందర్‌ సింగ్‌ సోనియాకు స్పష్టం చేశారు.

ఏ క్షణమైనా గవర్నర్‌కు రాజీనామా లేఖ సమర్పించే అవకాశం ఉన్నట్లు తెలుస్తోంది. ఇదిలా ఉండగా శనివారం సాయంత్రం పంజాబ్‌ కాంగ్రెస్‌ శాసనసభాపక్ష సమావేశం జరగనుంది. ఈ సమావేశంలో అమరీందర్‌ వారసుడిని ఎన్నుకోనున్నారు. అయితే, ఈ సమావేశంపై సీఎం అమరీందర్ లేదా ఆయన కార్యాలయం ఎటువంటి వ్యాఖ్యలు చేయలేదు. అయితే, కాంగ్రెస్ వ్యవహారాల పంజాబ్ ఇంఛార్జ్ హరీశ్ రావత్ మాత్రం శాసనసభా పక్ష సమావేశం గురించి ట్విట్టర్‌ ద్వారా వెల్లడించారు.

‘తక్షణమే కాంగ్రెస్ శాసనసభాపక్ష సమావేశం ఏర్పాటుచేయాలని పెద్ద సంఖ్యలో ఎమ్మెల్యేలు ఏఐసీసీని కోరుతూ విజ్ఞ‌ాపన పత్రం అందజేశారు.. దీంతో సమావేశం నిర్వహించాలని అధిష్ఠానం నిర్ణయించింది.. సెప్టెంబరు 18 సాయంత్రం 5 గంటలకు పంజాబ్ పీసీసీ కార్యాలయంలో ఈ భేటీ నిర్వహించనున్నాం’ అని శుక్రవారం రాత్రి ఆయన తెలిపారు. సమావేశానికి ఏర్పాట్లు చేయాలని పీపీసీసీ కోరిన రావత్.. కాంగ్రెస్ ఎమ్మెల్యేలంతా తప్పనసరిగా హాజరుకావాలని సూచించారు. పంజాబ్‌లో వచ్చే ఏడాది అసెంబ్లీ ఎన్నికలు జరగనుండగా.. అసమ్మతి కాంగ్రెస్‌కు తలనొప్పిగా పరిణమించింది.

Leave a Reply

Your email address will not be published. Required fields are marked *

Next Post

Bengal by Polls బెంగాల్‌లో బీజేపీ మరో షాక్.. టీఎంసీలో చేరిన బాబుల్ సుప్రియో

Sat Sep 18 , 2021
కేంద్ర క్యాబినెట్ నుంచి తప్పించిన తర్వాత మనస్తాపానికి గురైన బాబుల్ సుప్రియో.. పార్లమెంట్ సభ్యత్వానికి రాజీనామా చేసి రాజకీయాల నుంచి వైదొలగుతున్నట్టు ప్రకటించారు.