రక్తదానం చేస్తే కాన్సర్ రాదా..

ఎన్నోసార్లు ఆసుపత్రిలో రక్తం లేక ఇబ్బంది పడే పేషెంట్స్ ని మనం చూసే ఉంటాం. అటువంటి వాళ్ళకి కాస్త రక్తం ఇస్తే వాళ్ళ జీవితాన్ని సేవ్ చేయవచ్చు. అయితే ఇలా రక్త దానం చేయడం వల్ల మనకి కూడా చాలా ప్రయోజనాలు ఉన్నాయని నిపుణులు చెప్తున్నారు. మరి వాటి కోసం ఈరోజు మనం తెలుసుకుందాం.

ప్రధానాంశాలు:రక్తదానంపై పెరుగుతున్న అవగాహనరక్తదానం చేస్తే ఎన్నో ఆరోగ్య ప్రయోజనాలుప్రతి సంవత్సరం వరల్డ్ బ్లడ్ డోనర్స్ డే ని జూన్ 14వ తేదీన జరుపుకుంటాము. ఈ రోజు రక్తదానం గురించి అవగాహన వంటివి తెలియజేస్తూ ఉంటారు. అదే విధంగా ఎవరైతే రక్తదానం చేస్తారో ఆ దాతలని తలచుకుని కృతజ్ఞతలు చెబుతారు. ఇది మరొకరికి ప్రోత్సాహకరంగా కూడా ఉంటుంది.
గుండె దడగా ఉంటే గుండె నొప్పి ఉన్నట్లేనా..
వరల్డ్ హెల్త్ ఆర్గనైజేషన్ WHO ప్రకారం రక్తదానం చేయడం వల్ల ఇతరుల జీవితాలను కాపాడవచ్చు. అయితే కొన్ని కొన్ని సార్లు పేషెంట్లు ఇబ్బందుల్లో ఉన్నప్పుడు రక్తం దొరకదు. ఆ సందర్భంలో వాళ్లు నిజంగా కొట్టుమిట్టాడుతూ ఉంటారు. అటువంటి సమయం లో ఎవరైనా రక్తం దానం చేస్తే వాళ్ళ జీవితాన్ని సేవ్ చేయవచ్చు.

అయితే రక్తదానం చేయడం వలన పేషంట్స్ జీవితాన్ని కాపాడడం మాత్రమే అవుతుంది అని అనుకుంటే పొరపాటు. రక్తదానం చేయడం వల్ల మరెన్నో ప్రయోజనాలు ఉన్నాయని డాక్టర్ సందీప్ చెప్తున్నారు.
ప్రాణాయామం చేస్తే బరువు తగ్గుతారా..
అదేమిటీ నిజంగా రక్తదానం చేయడం వల్ల ప్రయోజనాలు కూడా ఉంటాయా అని అనుకుంటున్నారా..? అవునండి నిజం. రక్తదానం చేయడం వల్ల మనకు తెలియని చాలా ప్రయోజనాలు కలుగుతాయి. వాటి కోసం కూడా ఒక లుక్ వేసేయండి.

రక్త దానం చేయడం వల్ల దాతలకు కలిగే ప్రయోజనాలు:

బరువు తగ్గడం:

రక్త దానం చేయడం వల్ల పెద్ద వాళ్ళు బరువు తగ్గి ఆరోగ్యంగా, ఫిట్‌గా ఉంటారు. యూనివర్సిటీ ఆఫ్ కాలిఫోర్నియా రీసెర్చ్ ప్రకారం 450 మిల్లీ లీటర్ల రక్తాన్ని దానం చేయడం వల్ల ఒంట్లో 650 క్యాలరీలు కరుగుతాయి. అయితే కేవలం బరువు తగ్గడానికి ఇది ప్రోత్సాహకరం కాదు. రక్త దానం చేసేటప్పుడు ముందు డాక్టర్‌ని కన్సల్ట్ చేయాలి. ఇలా చేయడం వల్ల ఏమైనా అనారోగ్య సమస్యలు కలుగుతాయా లేదా అనేది చెబుతారు.

హెమోక్రామటోసిస్ నుండి కాపాడుతుంది:

రక్తదానం చేస్తే ఈ సమస్య రాకుండా చూస్తుంది. దీని యొక్క రిస్క్‌ని కూడా ఇది తగ్గిస్తుంది. రెగ్యులర్‌గా రక్తదానం చేయడం వల్ల ఐరన్ శాతం తగ్గుతూ ఉంటుంది. దీని కారణంగా ఎవరైతే ఈ సమస్య తో బాధ పెడతారో వాళ్ళకి లాభదాయకంగా ఉంటుంది. తద్వారా హెమోక్రామటోసిస్ సమస్య కూడా తగ్గుతూ ఉంటుంది. కానీ రక్తం ఇవ్వడానికి మీరు అర్హులో కాదో అనేది టెస్ట్ చేస్తారు.

హృదయ సంబంధిత సమస్యలు రిస్క్ తగ్గుతుంది:

రెగ్యులర్‌గా రక్తదానం చేయడం వల్ల ఐరన్ లెవెల్స్ తగ్గుతూ ఉంటాయి. దీని ద్వారా హృదయ సంబంధిత సమస్యలు రిస్కు కూడా తగ్గుతుంది. ఐరన్ ఎక్కువగా ఒంట్లో ఉండటం వల్ల ఆక్సిడేటివ్ డామేజ్ కలుగుతుంది. దీని కారణంగా హృదయ సంబంధిత సమస్యలు అంటే హార్ట్ ఎటాక్, స్ట్రోక్ లాంటివి వస్తాయి.

కాన్సర్ రిస్క్ తగ్గుతుంది:

రెగ్యులర్ గా రక్తదానం చేయడం వల్ల కాన్సర్ యొక్క ముప్పు కూడా తగ్గుతుంది. ఒంట్లో ఐరన్ లెవెల్స్ ఎక్కువగా ఉండడం వల్ల కాన్సర్ వచ్చే అవకాశం ఉంది. రక్తదానం చేయడం వల్ల ఐరన్ లెవెల్స్ తగ్గుతాయి. దీనితో కాన్సర్ రిస్క్ కూడా తగ్గుతూ ఉంటుంది. రక్త దానం చేయడం వల్ల ఈ విధంగా కూడా ఉపయోగకరం.

కొత్త బ్లడ్ సెల్స్ ప్రొడక్షన్:

రక్త దానం చేయడం వల్ల కొత్త బ్లడ్ సెల్స్ ప్రొడ్యూస్ అవుతాయి. రక్తదానం చేసిన తర్వాత 48 గంటల్లో బోన్ మారో సహాయం తో బాడీ సిస్టం వర్క్ అవుతుంది. కొత్త బ్లడ్ సెల్స్ ప్రొడ్యూస్ అవుతాయి మరియు పాత రెడ్ బ్లడ్ సెల్స్ రీప్లేస్ అవుతాయి. ఇది 30 నుంచి 60 రోజుల్లోగా జరుగుతుంది. కాబట్టి రక్త దానం చేయడం వల్ల ఈ విధంగా కూడా దాతలు బెనిఫిట్స్ పొందవచ్చు.
ఈ ఫేస్ ఆయిల్ వాడితే మొటిమలు రావట..
చూశారా రక్త దానం చేయడం వల్ల ఎన్ని ప్రయోజనాలు కలుగుతాయో. మరి రక్తదాతల దినోత్సవం రోజున మన దేశంలో రక్తదాన కార్యక్రమాలు ఎన్నో జరుగుతున్నాయి. మీరు ఎప్పుడు రక్త దానం చేయలేనట్లయితే ఈ ప్రత్యేకమైన రోజు నాడు రక్తదానం చేయండి. దీనితో ఈ ఆరోగ్య ప్రయోజనాలను మీరు పొందొచ్చు.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

Leave a Reply

Your email address will not be published. Required fields are marked *

Next Post

బలపడుతున్న ల్యాబ్ లీక్ థియరీ.. వెలుగులోకి Wuhan Labలో గబ్బిలాల పెంపకం!

Mon Jun 14 , 2021
Covid Leak Lab Theory ఏ ముహూర్తన కరోనా మహమ్మారి మొదలయ్యిందో గానీ.. అప్పటి నుంచి ప్రపంచ దేశాలకు నిద్రే కరవయ్యింది. వైరస్ వ్యాప్తిని ఎలా కట్టడిచేయాలో తలలు పట్టుకుంటున్నారు.