Salman Khan: త్వ‌ర‌లోనే ప్రేక్ష‌కుల ముందుకు స‌ల్మాన్ ఖాన్ డాక్యుమెంట‌రీ

Salman Khan: బాలీవుడ్ అగ్ర కథానాయకుల్లో ఒకరైన సల్మాన్ ఖాన్ బయోపిక్ డాక్యుమెంటరీ రూపంలో రూపొందనుంది. సల్మాన్ తండ్రి రైటర్ సలీమ్ ఖాన్, మరో రైటర్ జావెద్ అక్తర్‌తో కలిసి ఈ డాక్యుమెంటరీకి కథను అందిస్తున్నారట.

ప్రధానాంశాలు:డాక్యుమెంటరీగా సల్మాన్ బయోపిక్ప్రేక్షకాభిమానులకు తెలియని విషయాలు కూడా పొందుపరిచే ప్రయత్నంకథను సిద్ధం చేస్తున్న సలీమ్ ఖాన్, జావెద్ అక్తర్బాలీవుడ్ అగ్ర క‌థానాయ‌కుల్లో ఒక‌రైన స‌ల్మాన్ ఖాన్‌.. హీరోగా కెరీర్‌ను స్టార్ట్ చేసి 33 ఏళ్లు అవుతుంది. ఈ జ‌ర్నీలో ఆయ‌న ఎన్నో హిట్స్‌, ప్లాప్స్‌, వివాదాలు, విమ‌ర్శ‌కులను ఎదుర్కొన్నారు. ఇదంతా త్వ‌ర‌లోనే ప్రేక్ష‌కుల ముందుకు రానుంది. అయితే ఫీచ‌ర్ ఫిల్మ్‌గా కాదు.. డాక్యుమెంట‌రీ రూపంలో అని బాలీవుడ్ వ‌ర్గాల స‌మాచారం. స‌ల్మాన్‌ఖాన్ గురించి ప్రేక్ష‌కాభిమానుల‌కు తెలియ‌ని విష‌యాల‌ను కూడా ఈ డాక్యుమెంట‌రీలో చూపించ‌బోతున్నార‌నేది అస‌లు ట్విస్ట్‌. స‌ల్మాన్ ఖాన్ తండ్రి స‌లీమ్ ఖాన్‌, మ‌రో రైట‌ర్ జావెద్ అక్త‌ర్‌తో క‌లిసి క‌థ‌ను రూపొందించే ప‌నిలో ఉన్నార‌ట‌. మ‌రో విష‌య‌మేమంటే, ఈ డాక్యుమెంట‌రీని ఓటీటీలో విడుద‌ల చేస్తార‌ని స‌మాచారం.

తండ్రి సలీమ్ ఖాన్ రైటర్, అయితే తాను మాత్రం హీరోగానే ఇండ‌స్ట్రీలోకి అడుగు పెట్టారు. కెరీర్ ప్రారంభంలో ఎన్నో విజ‌యాల‌ను సొంతం చేసుకున్నారు. అయితే వీటితో పాటు వివాదాలు, విమ‌ర్శ‌లు వ‌చ్చాయి. కృష్ణ‌జింక‌ల‌ను వేటాడ‌టం, కారుతో యాక్సిడెంట్ చేయ‌డం, హీరోయిన్ ఐశ్వ‌ర్యారాయ్‌తో ల‌వ్ బ్రేకప్ కార‌ణంగా కొన్ని స‌మ‌స్య‌లు రావ‌డం ఇలా స‌ల్మాన్ జీవితంలో ఒడిదొడుకుల‌ను కూడా ఎదుర్కొన్నారు. ఒక‌నొక ద‌శ‌లో హిట్స్ లేకుండా ఆయ‌న మార్కెట్ డౌన్ అయ్యింది. అయితే ద‌బాంగ్‌తో మ‌రోసారి త‌న స‌త్తా ప్రూవ్ చేసుకున్నారు.

బుల్లితెర‌పై కూడా బిగ్‌బాస్ హిందీ వ్యాఖ్యాత‌గా త‌న‌దైన పంథాను అనుస‌రిస్తూ ఓ ట్రేడ్ మార్క్ క్రియేట్ చేశారు. హిందీ బిగ్‌బాస్ ఇంత స‌క్సెస్‌ఫుల్‌గా ర‌న్ అవుతుందంటే స‌ల్మాన్ ఖాన్ హోస్టింగ్ ప్ర‌ధాన కార‌ణ‌మ‌ని చెప్పొచ్చు. దీనికి ఈయ‌న‌కు భారీ రెమ్యునరేష‌న్ అందుతుంది. ఇది కాకుండా నిర్మాత‌గా మారారు. ఇబ్బందుల్లో ఉన్న ఇండ‌స్ట్రీ వ్య‌క్తుల‌ను, బ‌య‌ట వారికి త‌న ట్ర‌స్ట్ ద్వారా సాయం కూడా అందిస్తుంటారు.స‌ల్మాన్‌కు సంబంధించిన ఇన్ని విష‌యాల్లో వేటిని డాక్యుమెంట‌రీగా చూపిస్తార‌నేది ఇప్పుడు ఆస‌క్తిక‌రంగా మారింది.

Leave a Reply

Your email address will not be published. Required fields are marked *

Next Post

కొత్తగా బైక్, స్కూటర్ కొనే వారికి భారీ షాక్.. పండుగ సీజన్ ముందు..

Mon Sep 20 , 2021
కొత్తగా బైక్ కొనుగోలు చేయాలని ఆలోచిస్తున్నారా? అయితే మీకు బ్యాడ్ న్యూస్. దేశీ అతిపెద్ద టూవీలర్ల తయారీ కంపెనీ హీరో మోటొకార్ప్ తన టూవీలర్ల ధరలు పెంచబోతోంది. ధరలు రూ.3 వేల వరకు పెరగనున్నాయి.