సీఎం యడ్డీ కొడుకు వేల కోట్ల అవినీతికి పాల్పడ్డారు.. సొంత పార్టీ నేత సంచలన వ్యాఖ్యలు

Karnataka Crisis నాయకత్వ మార్పుపై రెండు రోజులు మంత్రులు, ఎమ్మెల్యేల అభిప్రాయాలను సేకరించిన బీజేపీ ఇంఛార్జ్ అరుణ్‌సింగ్‌.. చివరి రోజు శుక్రవారం సీనియర్లతో సమావేశమై.. భవిష్యత్తు ప్రణాళికను వివరించారు.

ప్రధానాంశాలు:నాయకత్వ మార్పుపై కర్ణాటక ప్రభుత్వంలో రగడ.యడ్డీపై సొంత పార్టీ నేతలు బాహటంగా విమర్శలు.అధిష్ఠానం చర్యలతో సీఎంకి తాత్కాలిక ఊరట. కర్ణాటక ముఖ్యమంత్రి కుమారుడుపై సొంత పార్టీ నేత అవినీతి ఆరోపణలు గుప్పించడం చర్చనీయాంశమవుతోంది. యడియూరప్ప కుమారుడు విజయేంద్ర పలు నీటిపారుదల ప్రాజెక్టుల్లో అక్రమాలకు పాల్పడ్డారని బీజేపీ ఎమ్మెల్సీ హెచ్‌.విశ్వనాథ్‌ శుక్రవారం ఆరోపించారు. నాయకత్వ మార్పుపై బీజేపీ అధిష్ఠానం అభిప్రాయ సేకరణ చేపడుతున్న వెళ్ల ఆయన ఈ ఆరోపణలకు ప్రాధాన్యత ఏర్పడింది. ఆర్థిక శాఖ అనుమతి లేకున్నా నీటి పారుదాల ప్రాజెక్టులకు రూ.21,473 కోట్ల మేర టెండర్లను ఆహ్వానించారని ఆరోపించారు.

వీటిలో భద్ర ఎగువ కాల్వ నీటిపారుదల పథకం సహా కావేరి ప్రాజెక్టు పనులున్నాయని విశ్వనాథ్ పేర్కొన్నారు. కాంట్రాక్టర్ల నుంచి ముడుపులు స్వీకరించిన సీఎం కుమారుడు.. అన్ని శాఖల్లో జోక్యం చేసుకుంటున్నారని విమర్శించారు. జిందాల్‌ స్టీల్ ప్లాంట్ విస్తరణ కోసం 3,667 హెక్టార్ల భూమిని తక్కువ ధరకే కట్టబెట్టడానికి ప్రభుత్వం సిద్ధమైందని విశ్వనాథ్ పేర్కొన్నారు. ప్రతిపక్ష జేడీ(ఎస్‌), కాంగ్రెస్‌‌లు ప్రభుత్వంతో కుమ్మక్కై ఈ అక్రమాలపై పెదవి విప్పడం లేదని దుయ్యబట్టారు.
సీఎం వైఖరి పట్ల మంత్రులెవరీ సంతోషంగా లేరని పేర్కొన్నారు. కేంద్ర నాయకత్వానికి నా అభిప్రాయాలను తెలియజేశానని, కర్ణాటక వ్యవహారాల ఇంఛార్జి అరుణ్ సింగ్ తన వాదనలను పట్టించుకోలేదన్నారు. కాగా, ఎమ్మెల్సీ విశ్వనాథ్‌ ఆరోపణలను ముఖ్యమంత్రి యడియూరప్ప తీవ్రంగా ఖండించారు. నిత్యం ఎవరో ఒకర్ని విమర్శించే తత్వమున్న విశ్వనాథ్‌ ఆరోపణలకు స్పందించబోనని వ్యాఖ్యానించారు. ఆయనకు నీటిపారుదల శాఖ అధికారులే సమాధానం ఇస్తారని యడ్డీ స్పష్టం చేశారు.

‘కేంద్ర నాయకులకు డబ్బులు పంపుతున్నామని విజేయంద్ర తదితరులు చెబుతున్నారు.. మీకు ఎంత మొత్తం వారి నుంచి అందిందని నేరుగా అరుణ్ సింగ్‌ను అడిగితే అటువంటిదేం లేదన్నారు’ అని చెప్పారు. కుటుంబసభ్యుల కారణంగా యడియూరప్ప జైలుకు వెళ్లవచ్చనే వ్యాఖ్యల గురించి విశ్వనాథ్ స్పందిస్తూ.. ‘ఇది జరగవచ్చు. తదుపరి 22 నెలలు ఆయనే కొనసాగితే అదే జరుగుతుంది.. నాయకత్వాన్ని మార్చాలనేది మా డిమాండ్’ అని పేర్కొన్నారు.

‘అసెంబ్లీ, పార్లమెంట్ ఎన్నికలకు ముందే పార్టీలో అన్ని అంశాలను కొలిక్కి తీసుకురావాల్సిన అవసరం ఉంది.. సీఎం మార్పు అనేది అధిష్టానం నిర్ణయం.. వారు సరైన నిర్ణయం తీసుకుంటారు’అని అన్నారు.

Leave a Reply

Your email address will not be published. Required fields are marked *

Next Post

పోస్టాఫీస్ అదిరిపోయే స్కీమ్.. రూ.150 పొదుపుతో చేతికి రూ.24 లక్షలు!

Sat Jun 19 , 2021
మీరు పోస్టాఫీస్‌లో డబ్బులు ఇన్వెస్ట్ చేయాలని ఆలోచిస్తున్నారా? అయితే మీకోసం ఒక స్కీమ్ అందుబాటులో ఉంది. అదే పీపీఎఫ్. మీరు ఈ స్కీమ్‌లో చేరితే రూ.240 లక్షలు పొందొచ్చు. దీని కోసం రోజుకు రూ.150 ఆదా చేయాలి.