covid deaths మృతుల సంఖ్యను సవరించిన బిహార్.. ఒక్క రోజే 4వేలు మరణాలు!

Bihar covid deaths కరోనా కారణంగా తమ రాష్ట్రంలో 5,500 మంది చనిపోయారని బిహార్ ప్రభుత్వం మంగళవారం వరకూ చెప్పింది. అయితే, బుధవారం ఈ సంఖ్య 9,400 దాటింది.

ప్రధానాంశాలు:బిహార్‌లో భారీగా పెరిగిన కరోనా మరణాలు.కరోనా మరణాల సంఖ్యపై కీలక ప్రకటన.ప్రభుత్వంపై దుమ్మెత్తిపోస్తున్న ప్రతిపక్షాలు.కోవిడ్ మరణాల సంఖ్యను బిహార్‌ ఆరోగ్య శాఖ బుధవారం సవరించింది. దీంతో ఆ రాష్ట్రంలో ఒక్కసారిగా కోవిడ్ మరణాలు భారీగా పెరిగాయి. మంగళవారం వరకూ అధికారికంగా 5,500 మంది ప్రాణాలు కోల్పోగా.. బుధవారం నాడు సవరణల అనంతరం ఈ సంఖ్య 9,429కి చేరింది. ఒక్క రోజులోనే 3,951 మరణాలు పెరిగాయి. ఏదేమైనప్పటికీ మొత్తం 38 జిల్లాలలో ఈ అదనపు మరణాలు ఎప్పుడు జరిగాయో పేర్కొలేదు. తాజా గణాంకాలతో ఒక్క రెండో దశలోనే బిహార్‌లో దాదాపు 8 వేల మంది కరోనాకు బలయ్యారు. ఈ ఏడాది ఏప్రిల్ నుంచి మరణాలు ఆరు రెట్లు పెరగడం గమనార్హం.

పట్నా జిల్లాలో అత్యధికంగా 2,303 మంది మృతిచెందగా.. తర్వాతి ముజఫర్‌పూర్‌లో 609 మంది చనిపోయారు. తాజాగా సవరించిన వివరాల ప్రకారం పట్నాలో 1070, బెగుసరాయ్ 316, ముజఫర్‌పూర్ 314, తూర్పు చంపారన్ 391, నలంద 222 మరణాలు ఉన్నాయి. అలాగే, ఇప్పటి వరకూ బిహార్‌లో 7,15,179 మందికి కోవిడ్ నిర్దారణ కాగా.. గత రెండు నెలల్లోనే ఐదు లక్షలకుపైగా కేసులు బయటపడ్డాయి.

కోలుకున్నవారి సంఖ్యను కూడా బిహార్ ఆరోగ్య శాఖ సవరించింది. మంగళవారం వరకు 701,234 మంది కోలుకున్నట్టు తెలిపినా.. బుధవారం మాత్రం ఈ సంఖ్య 698,397గా పేర్కొంది. దీంతో అప్పటి వరకూ 98.70 శాతంగా ఉన్న రికవరీ రేటు.. 97.65 శాతానికి పడిపోయింది. సవరణల అనంతరం కోవిడ్ మరణాల సంఖ్య భారీగా పెరగడంతో ప్రభుత్వంపై ప్రతిపక్షాలు విమర్శలు గుప్పిస్తున్నాయి. మహమ్మారిని ఎదుర్కొవడంలో ప్రభుత్వం పూర్తిగా విఫలమయ్యిందని దుయ్యబడుతున్నాయి.

కరోనా కట్టడికి అక్కడ నెల రోజుల నుంచి లాక్‌డౌన్ కొనసాగడంతో వైరస్ తీవ్రత తగ్గుముఖం పట్టింది. బుధవారం అక్కడ 589 కేసులు, 20 మరణాలు నమోదయ్యాయి. కేవలం 7,353 యాక్టివ్ కేసులు ఉన్నాయి. పరిస్థితి అదుపులోకి రావడంతో వ్యాక్సినేషన్‌ వేగవంతం చేయాలని ప్రభుత్వం భావిస్తోంది. ఇప్పటి వరకూ 1.14 కోట్ల డోస్‌లను రాష్ట్రంలో వేసినట్టు అధికారులు తెలిపారు.

Leave a Reply

Your email address will not be published. Required fields are marked *

Next Post

Modi గుడ్ న్యూస్.. ఉచితంగానే గ్యాస్ సిలిండర్, స్టవ్ ఇంటికి తీసుకెళ్లొచ్చు.. ఎలా అంటే?

Thu Jun 10 , 2021
మీరు కొత్తగా గ్యాస్ కనెక్షన్ తీసుకోవాలని ఆలోచిస్తున్నారా? అయితే మీకు శుభవార్త. మీకు బీపీఎల్ కార్డు ఉంటే ఉచితంగానే గ్యాస్ కనెక్షన్ పొందొచ్చు. కేంద్రం ఈ నెల నుంచే కోటి ఉచిత కనెక్షన్లు ఇచ్చే అవకాశముంది.