ఆ సినిమా వచ్చి అప్పుడే 20 ఏళ్లయిందా.? సిద్ధూ- మధు అంటే ఇప్పటికీ..: హీరోయిన్ భూమిక

ఎస్‌జే సూర్య డైరెక్షన్‌లో పవన్‌కళ్యాణ్, భూమిక హీరోహీరోయిన్లుగా నటించిన ‘ఖుషి’ తెలుగు సినిమా చరిత్రలోనే ఒక క్లాసిక్ చిత్రం. ఈ చిత్రం విడుదలై 20 ఏళ్లు పూర్తయింది. ఈ సందర్భంగా ఆ సినిమాలో ‘మధు’ పాత్రలో నటించిన భూమిక తన రియాక్షన్‌ను తెలిపింది.

‘ఖుషి’.. తెలుగు సినిమా ప్రేక్షకులను ఓ ఊపుఊపేసిన సినిమా. పవన్‌కళ్యాణ్, భూమిక హీరోహీరోయిన్లుగా నటించిన ఈ సినిమా అప్పటికీ.. ఇప్పటికీ ఓ క్లాసిక్ అనే చెప్పుకోవాలి. ఎస్‌జే సూర్య డైరెక్షన్‌లో రూపొందిన ఈ సినిమాకి ఏ.ఎమ్.రత్నం నిర్మాతగా వ్యవహరించారు. ఇక ఈ సినిమా తర్వాత పవన్‌కళ్యాణ్ రేంజ్ వేరే లెవల్‌కు వెళ్లిపోయింది. మరోవైపు భూమికకి కూడా ఈ సినిమా ద్వారా స్టార్ డమ్ లభించింది. మ్యూజిక్, కామెడీ, యాక్షన్, ఎమోషన్స్‌ ఇలా అన్ని కలగలిసిన ఈ సినిమాని ఎప్పటికీ తెలుగు ప్రేక్షకులు మరచిపోలేరు.

ఈ సినిమాకి ఇప్పటికీ ఫ్యాన్స్ ఓ రేంజ్‌లో ఉన్నారు. ముఖ్యంగా ‘ఖుషి’ ఇంటర్వెల్ సీన్‌కి ఉన్న ఫ్యాన్ బేసే వేరు. పలు ఈవెంట్లలో, టీవీ షోలలో ఈ సీన్‌పై స్పూఫ్‌లు చేస్తుంటారు. చేసిన ప్రతీసారి అదే రేంజ్ రియాక్షన్ ప్రేక్షకుల నుంచి వస్తుంది. అంతలా ఈ సినిమా తెలుగు ప్రేక్షకులపై ప్రభావం చూపింది. అయితే ఈ సినిమా విడుదలై మంగళవారానికి 20 సంవత్సరాలు పూర్తి చేసుకుంది. ఈ సందర్భంగా చిత్ర యూనిట్‌కి ఫ్యాన్స్ అభినందనలు చెబుతున్నారు. అయితే ఖుషి 20 సంవత్సరాలు పూర్తి చేసుకోవడంపై హీరోయిన్ భూమిక స్పందించింది.

సినిమా గురించి భూమిక మాట్లాడుతూ.. ‘‘నేను చేసిన సినిమాల్లో నాకు ఖుషి అంటే ఎంతో ఇష్టం. అసలు సినిమా పూర్తై 20 ఏళ్లు అయిందంటే నమ్మలేకపోతున్నా. ఆ సినిమాకు నాకు ఉత్తమ నటిగా అవార్డు కూడా వచ్చింది. అందుకే అది నాకు ఎంతో ప్రత్యేకం. పవన్ పోషించిన ‘సిద్ధూ’, నా పాత్ర ‘మధు’ అంటే ప్రేక్షకులు ఇప్పటికీ ఇష్టపడతారు. అమ్మయే సన్నగా, చెలియా చెలియా పాటలు అంటే నాకు ఇష్టం. ఇంతకాలమైన సినిమా గురించి ఇంకా మాట్లాడుకుంటున్నారంటే.. నాకు ఎంతో సంతోషంగా ఉంది’’ అని చెప్పింది.

Leave a Reply

Your email address will not be published. Required fields are marked *

Next Post

‘లవ్‌స్టోరీ’ విషయంలో రాజమౌళిని ఫాలో అవుతున్న శేఖర్ కమ్ముల..

Tue Apr 27 , 2021
రొటీన్‌కి భిన్నంగా క్లాసిక్ సినిమాలు రూపొందించే దర్శకుల్లో శేఖర్ కమ్ముల ముందు వరుసలో ఉంటాడు. తన మొదటి చిత్రం నుంచి రీసెంట్ సినిమా ‘ఫిదా’ వరకూ అన్ని యూత్‌తో పాటు ఫ్యామిలీ ఆడియన్స్‌ని ఎట్రాక్ట్ చేస్తాయి. అయితే తన లేటెస్ట్ చిత్రం ‘లవ్‌స్టోరీ’ విషయంలో శేఖర్ కమ్ముల దర్శకధీరుడు ఎస్ఎస్‌ రాజమౌళిని ఫాలో అవుతున్నారట.