ఉదయాన్నే ఈ నూనెతో తలపై మసాజ్ చేస్తే చాలా మంచిదట..

ప్రస్తుత కాలంలో ప్రతి ఒక్కరికీ వ్యక్తిగత ఆరోగ్యంపై శ్రద్ధ పెరిగింది. కావున ఆరోగ్యం కోసం ప్రతి ఒక్కరూ ఆయుర్వేదాన్ని ఆశ్రయిస్తున్నారు. ఆయుర్వేదం వలన ఆరోగ్యమైన జీవితాన్ని కొనసాగించడం సాధ్యమవుతుందని అనేక మంది నిపుణులు కూడా చెబుతున్నారు. అయితే ఆయుర్వేదం అనేది ఓ పెద్ద గ్రంథం కావున ఎటువంటి చిట్కాలు పాటించాలో తెలియక చాలా మంది తికమక పడుతుంటారు.

ప్రధానాంశాలు:ఆరోగ్యంగా ఉండేందుకు కొన్ని చిట్కాలుఆయుర్వేదం ప్రకారం జాగ్రత్తలు తీసుకుంటే మంచిదంటున్న నిపుణులుఆయుర్వేదంలో కూడా కొన్ని సింపుల్ చిట్కాలు ఉన్నాయని వాటిని పాటించినా కూడా ఆరోగ్యంగా ఉంటారని ఆయుర్వేద వైద్యులు తెలుపుతున్నారు. పట్టణాల్లో జీవిస్తున్న జీవనశైలికి అందరూ ఏదో ఒక అనారోగ్యంతో బాధపడుతున్న వారే అధికంగా కనిపిస్తున్నారు. తరుచూ అనారోగ్యం పాలవుతూ డాక్టర్లను ఆశ్రయిస్తున్నారు.

ఇలా డాక్టర్లను ఆశ్రయించి చాలా రకాల మందులు వాడిన తర్వాత అందరూ ఆయుర్వేదం వైపు అడుగులేస్తున్నారు. ఆయుర్వేదం పేరు చెప్పుకుని కూడా కొంత మంది మోసాలకు తెగబడుతున్నారు. మంచి ఆయుర్వేద నిపుణులమని చెప్పి మోసం చేస్తున్నారు. కావున ఇలా ఒట్టి మాటలు చెప్పి.. మోసం చేసే వారి పట్ల జాగ్రత్తగా వ్యవహరించాలి. సరైన ఆయుర్వేద నిపుణుడిని సంప్రదించి ఆరోగ్యంగా ఉండడం కోసం ఏది ఉత్తమ మార్గమో తెలుసుకుని అవలంభించాలి. అంతే కాని మనం సొంతంగా నిర్ణయాలు తీసుకుని ప్రారంభించకూడదు. ఆయుర్వేదం వలన ఆరోగ్యం హెల్తీగా ఉంచుకోవడం సాధ్యపడుతుందని అందరూ చెబుతారు. కావున అందరూ ఆయుర్వేదాన్ని పాటించి ఆరోగ్యాన్ని కాపాడుకోవాలని వైద్యులు సూచిస్తున్నారు. ప్రముఖ ఆయుర్వేద డాక్టర్ ఒకరు ఆయుర్వేదం గురించి, ఆరోగ్యంగా జీవించడం కోసం ఆయుర్వేదం ఎలా ఉపయోగపడుతుందన్న విషయం గురించి ఏం చెప్పారో తెలుసుకుందాం.
నెయ్యి, వెన్న.. ఏది తింటే మంచిదంటే..
మనలో కొంత మంది ఉదయం లేవగానే వ్యాయామాలు చేస్తారు. మరికొంత మంది బద్దకంగా లేచి ఎలాంటి వ్యాయామాలు చేయకుండా వారి రోజుని మొదలుపెడతారు. ఉదయాన్నే వ్యాయామాలు చేయడం వలన మన శరీరం ఉత్తేజవంతంగా తయారవుతుంది. అంతే కాకుండా మనలో ఉన్న బద్దకం కూడా తొలిగిపోతుంది. కావున ఉదయం లేవగానే వ్యాయామాలు చేయడం మంచి అలవాటు. ఈ అలవాటు వలన మనం కోల్పోయిన శక్తిని తిరిగి పొందేందుకు ఆస్కారం ఉంటుంది. కావున అందరూ ఉదయం వ్యాయామం చేయడం అలవాటు చేసుకోవాలి.

మనలో చాలా మంది కొద్ది మంది వ్యక్తులను చూసి వారిలా ఫిట్గా ఉంటూ ఆరోగ్యకరమైన జీవనాన్ని గడపాలని అనుకుంటారు. అందుకోసం వారి జీవనశైలిలో చాలా మార్పులు చేసుకునేందుకు సిద్ధపడతారు. వారిలా అన్ని రకాల అలవాట్లను చేంజ్ చేసుకుంటూ ఉంటారు. కానీ ఇక్కడ ఒక విషయం గుర్తుంచుకోవాలి. అవతలి వారిలా ఫిట్‌గా ఉంటూ ఆరోగ్యకరమైన జీవనాన్ని గడిపేందుకు కేవలం మన జీవనశైలిలో పెను మార్పులు తీసుకురావడం, అలవాట్లను చేంజ్ చేసుకోవడం మాత్రమే సరిపోదు. మనం రోజువారీ దినచర్యపై ఎంత ఏకాగ్రతను కలిగి ఉన్నామనేది కూడా పరిగణలోనికి తీసుకోవాలి. ఫిట్ గా ఉంటూ ఆరోగ్యకరమైన జీవితాన్ని గడిపేందుకు ఆయుర్వేదాన్ని అలవాటు చేసుకోవడం చాలా మంచిదని నిపుణులు చెబుతున్నారు. ఆయుర్వేదలో ఎటువంటి అలవాట్లను అలవర్చుకోవడం ద్వారా ఆరోగ్యకర జీవనాన్ని సాగించవచ్చనే విషయంపై డాక్టర్లు ఏమని చెప్పారంటే..

ఆయుర్వేద నిపుణులు చెప్పిన దాని ప్రకారం ఆయుర్వేదం అనేది ప్రాచీన విజ్ఞానం. ఆయుర్వేదాన్నిఉపయోగించి అనేక రకాల ఆరోగ్య ప్రయోజనాలను పొందవచ్చు. ఆరోగ్యంగా ఉండేందుకు ఈ విధానాన్ని పూర్వకాలం నుంచి అందరూ అవలంభిస్తున్నారు. ఈ ఆయుర్వేద పద్ధతిని అవలంభించేందుకు మనం మన జీవన విధానంలో కొన్ని రకాల మార్పులు చేసుకోవడం చాలా మంచిది. చాలా చిన్న, చిన్న అలవాట్లను మార్చుకోవడం వలన మనం పూర్తి ఆరోగ్యవంతులుగా తయారయ్యేందుకు ఆయుర్వేదంలో అవకాశం ఉంది. ఆయుర్వేదం మనల్ని ఫిట్ గా ఉంచడంతో పాటు ఆరోగ్యకర జీవనాన్ని కొనసాగించడంలో తోడ్పడుతుంది. ఇందుకోసం అందరూ ఆయుర్వేదాన్ని ఎంచుకుంటున్నారు.

ఆయుర్వేదం అనేది మన శరీరం, మనసు, ఆత్మలను అనుసంధానిస్తుంది. దీని వలన మనం చాలా ప్రశాంతంగా ఉండగలుగుతాం. ఆయుర్వేదంలో మనసును ఏకాగ్రతతో ఉంచుకోవడం చాలా ముఖ్యమైన విషయం. మనసు ఏకాగ్రతతో లేకపోతే ఎంతటి ఆయుర్వేద నిపుణుడైనా మిమ్ములను ఫిట్ గా తయారు చేయలేడనే విషయం గుర్తుంచుకోవాలి. ప్రముఖ సోషల్ మీడియా ప్లాట్ ఫాం ఇన్ స్టాలో ఆయుర్వేద నిపుణులు ఏం విషయాలు పంచుకున్నారంటే..

నిద్ర లేవడం..

ఉదయాన్నే నిద్ర లేవడం అనేది చాలా ముఖ్యమైన విషయం. సూర్యోదయానికి ముందే మనం మేల్కోవాలి. కానీ కొంత మంది ఉదయం పూట ఎంత పొద్దెక్కినా కానీ లేవరు. ఇలా ఉదయం ఎక్కువ సేపు పడుకోవడం ఆరోగ్యానికి మంచిది కాదనే విషయం గుర్తుంచుకోవాలి. ఉదయం పూట సూర్యోదయానికి ముందే మేల్కోవడం అలవాటు చేసుకోవాలి.

నాసల్ డ్రాప్స్ (నస్య)

నిద్ర లేచిన తర్వాత రెండు చుక్కల నువ్వుల నూనె / ఆవ నూనె / నెయ్యి వేసుకుని జట్టుని బాగా మర్ధనా చేసుకోవాలి. ఇలా ఉదయం పూట జట్టుని నెయ్యితో మర్ధనా చేసుకోవడం వలన మనకు భవిష్యతులో బట్టతల వచ్చే ప్రమాదం తొలిగిపోతుంది. అంతే కాకుండా రాత్రిళ్లు సుఖమైన నిద్ర అందుతుంది.
ఈ టైమ్‌కి కాఫీ తాగుతున్నారా.. అయితే జాగ్రత్త..
ఎక్సర్ సైజ్ (వ్యాయామం)

ఒక వ్యక్తి ఆరోగ్యంగా ఫిట్ గా ఉండేందుకు వ్యాయామం అనేది చాలా అవసరం. అనేక మంది నిపుణులు వ్యాయామాల వలనే ఫిట్గా ఆరోగ్యంగా ఉండడం సాధ్యపడుతుందని చెబుతారు. అందుకోసం ఉదయం లేవగానే వ్యాయామాలు చేయడం అలవాటు చేసుకోవాలి. ఇలా ఉదయం పూట వ్యాయామాలు చేయడం వలన మన శరీరానికి అనేక ప్రయోజనాలు ఉంటాయి. నిద్ర లేవగానే వ్యాయామం చేయడం వలన మనలో ఉన్న బద్దకం పోతుంది. అంతే కాకుండా వ్యాయామం చేయడం వలన మనసు, శరీరం ఉత్తేజమవుతుంది. రోజు మొత్తం మనం చాలా ఫ్రెష్ గా ఉంటాం. మనం కోల్పోయిన శక్తిని కూడా వ్యాయామం చేయడం వలన తిరిగి పొందేందుకు ఆస్కారం ఉంటుంది.

దంత సంరక్షణ

దంత సంరక్షణ అనేది కూడా మనం ఆరోగ్యంగా ఉండేందుకు చాలా అవసరం. ప్రస్తుతం మార్కెట్ లో అనేక రకాల పేస్టులు వచ్చాయి. కానీ పూర్వపు రోజుల్లో వేప బెరడుతో అందరూ తమ దంతాలను శుభ్రం చేసుకునే వారు. ఇలా చేయడం వలన దంతాలు ఆరోగ్యంగా ఉండేవి. ఆయుర్వేదంలో కూడా వేప బెరడుతోనే దంతాలను శుభ్రం చేసుకోవాలని సూచిస్తున్నారు. తాజా వేపబెరడుతో కానీ ఖదీర్ పౌడర్ తో పళ్లను శుభ్రం చేసుకోవడం మంచిదని ఆయుర్వేద నిపుణులు సూచించారు.

బాత్ (స్నానం)

ప్రతి రోజు స్నానం చేయడం మనసుకు, శరీరానికి చాలా అవసరమని అందరూ చెబుతారు. కానీ కొంత మంది రెండు, మూడు రోజులకు ఒకసారి మరికొంత మంది వారంలో ఒక సారి మాత్రమే స్నానం చేస్తూ ఉంటారు. ఇలా స్నానం చేయకుండా ఉండడం ఆరోగ్యానికి అంతలా మంచిది కాదట. తప్పకుండా ప్రతిరోజు స్నానం చేయాలని ఆయుర్వేద నిపుణులు సూచిస్తున్నారు. మనం ఉదయం పూట లేవగానే వ్యాయామాలు చేసిన తర్వాత అరగంట లేదా గంటలోపు స్నానం చేయాలని సూచిస్తున్నారు. ఎందుకంటే వ్యాయామం చేసినపుడు పట్టిన చెమట వలన స్నానం చేయకుండా అలాగే ఉంటే చర్మ సమస్యలు వచ్చే ప్రమాదం ఉందని సూచిస్తున్నారు.

ఆహార నియమాలు

మనం ఫిట్ గా ఉండేందుకు మనం తీసుకునే ఆహార నియమాలు కూడా తోడ్పడతాయి. ఏది పడితే అది తింటే ఫిట్ గా ఉండడం సాధ్యం కాదు. మన శరీరానికి పడేది మాత్రమే తినాలి. అలాంటి పదార్థాలను మాత్రమే ఎంచుకోవాలి. మసాలా పదార్థాలను తీసుకోవడం మంచిదట. ఎందుకంటే మసాలా పదార్థాలు మన జీర్ణక్రియలో తోడ్పడతాయి. అలాగే అవి మన గుండెను ఆరోగ్యంగా ఉంచేందుకు సహకరిస్తాయి. మన మీద దాడి చేసే అనేక రకాల వ్యాధుల బారి నుంచి మనల్ని రక్షిస్తాయి. మనకు కడుపులో మంట ఉన్నా ఇవి తగ్గిస్తాయి. అందుకే మసాలా పదార్థాలను తీసుకోవడం శరీరానికి మంచిదని నిపుణులు సూచిస్తున్నారు. కొత్తిమీర, అల్లం, జీలకర్ర, పసుపులను తీసుకోవడం వలన పైన పేర్కొన్న ప్రయోజనాలు కలుగుతాయి.

పడుకునే ముందు మితంగా తినండి…

పడుకునే ముందు చాలా మంది హెవీగా తింటూ ఉంటారు. అలా హెవీగా తిని హాయిగా నిద్ర పోవచ్చని అందరూ భావిస్తుంటారు. కానీ పడుకునే ముందు అతిగా తినడం మన ఆరోగ్యానికి మంచిది కాదనే విషయాన్ని మనం గుర్తుంచుకోవాలి. ఎందుకంటే పడుకున్న తర్వాత మన శరీరం మొత్తం విశ్రాంతి తీసుకుంటుంది కాబట్టి అంతలా జీర్ణక్రియ జరుగదు. మనం తిన్న ఆహారం అరగకుండా అలాగే ఉండిపోతుంది. తద్వారా మనకు అనేక రకాల ఆరోగ్య సమస్యలు వస్తాయి. అందుకోసమే పడుకునే ముందు అతిగా ఆహారం తీసుకోవడం మంచిది కాదు. చాలా మితంగా తిని పడుకోవాలి. అంతే కాకుండా చాలా మంది అర్ధరాత్రి వరకు పడుకోకుండా మెలకువగా ఉంటారు. ఇలా ఉండడం కూడా మంచిది కాదట. రాత్రి సమయంలో త్వరగా పడుకోవడం మంచి అలవాటని ఆయుర్వేద నిపుణులు సూచిస్తున్నారు. రాత్రి 8 గంటల లోపు మితంగా తిని పడుకోవడం అలవాటు చేసుకోవాలని నిపుణులు సూచిస్తున్నారు. ఇలా మితంగా తిని త్వరగా పడుకోవడం మన శరీరానికి చాలా ప్రయోజనం చేకూరుస్తుందని వారు వివరించారు.
భార్య కంటే ఫ్రెండ్‌తో ఎక్కువగా క్లోజ్‌గా ఉంటే.. తప్పా..
స్లీప్ (నిద్ర)

మనం ఆరోగ్యంగా ఉండడం కోసం సుఖమైన నిద్ర కూడా చాలా అవసరం. కొంత మందికి నిద్ర సరిగ్గా పట్టదు. ఎంత ప్రయత్నించినా నిద్ర రాక రాత్రంతా మెలకువగానే ఉండిపోతారు. ఇటువంటి వారికి ఏదో ఆరోగ్య సమస్య ఉన్నట్లు. వారు సాధ్యమైనంత తొందరగా వారి డాక్టర్ కు చూపించుకోవడం చాలా ఉత్తమం. మన ఇంటి పరిసరాలు నీట్ గా శుభ్రంగా ఉంచుకోవడం వలన కూడా మనం హాయిగా నిద్ర పోయేందుకు ఆస్కారం ఉంది. కావున ఇంటి పరిసరాలను ఎల్లప్పుడూ శుభ్రంగా ఉంచుకోవాలి. హాయిగా కంటి నిండా నిద్ర పోవడం కూడా ఆయుర్వేదంలో ఒక భాగమనే విషయం మర్చిపోకూడదు.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

Leave a Reply

Your email address will not be published. Required fields are marked *

Next Post

ఆలుగడ్డలతో పాలు.. ఎలా తయారుచేస్తున్నారో తెలుసా..

Mon Aug 23 , 2021
స్వీడన్​ దేశానికి చెందిన ప్రముఖ కంపెనీ అయిన ‘Veg of Lund’ ఆలూ పాలను ‘DUG’ అనే బ్రాండ్​ పేరుతో ఉత్పత్తి చేయడం ప్రారంభించిన తర్వాత ఈ రకం పాలు అందరి దృష్టిని ఆకర్షించాయి. వెజ్​ ఆఫ్​ లండ్​ CEO అయిన థామస్​ ఓలాండర్ ఓ ఇంటర్వ్యూలో మాట్లాడుతూ... ఈ ఆలూ పాలు అనేవి చాలా నిలకడగా ఉన్నాయని పేర్కొన్నారు.