AP CID ఫైబర్‌నెట్ స్కాం.. మాజీ ఎండీ సాంబశివరావుకు హైకోర్టులో ఊరట

ఫైబర్‌నెట్ కుంభకోణం కేసులో ఫైబర్‌నెట్ ఇన్ఫ్రాస్ట్రక్చర్ కార్పొరేషన్ ఎండీగా పని చేసిన సాంబశివరావు అరెస్టయ్యారు. ఆయనను సీఐడీ అధికారులు శనివారం అదుపులోకి తీసుకున్నారు.

ప్రధానాంశాలు:టీడీపీ ప్రభుత్వ హయాంలో ఫైబర్‌నెట్ ఏర్పాటు.అర్హతలేని సంస్థలకు టెండర్లు కట్టిబెట్టినట్టు ఆరోపణ.19 మందిపై కేసు నమోదుచేసిన సీఐడీ అధికారులు.ఏపీ ఫైబర్ నెట్ కుంభకోణం కేసులో అరెస్టయిన ఆర్ఎస్ అధికారి సాంబశివరావుకు హైకోర్టులో ఊరట లభించింది. ఆయనకు ఉన్నత న్యాయస్థానం బెయిల్ మంజూరు చేసింది. ఏపీ ఫైబర్ నెట్ ప్రాజెక్టులో అవకతవకలు జరిగాయంటూ విచారణ చేపట్టిన సీఐడీ.. ఈ కేసులో ఐఆర్ఎస్ అధికారి సాంబశివరావును అరెస్ట్ చేసిన విషయం తెలిసిందే. గతంలో ఫైబర్‌నెట్ ఇన్ఫ్రాస్ట్రక్చర్ కార్పొరేషన్ ఎండీగా వ్యవహరించిన ఆయన.. అక్రమాలకు పాల్పడ్డారని సీఐడీ ఆరోపిస్తోంది. ఈ నేపథ్యంలో సాంబశివరావు హైకోర్టును ఆశ్రయించారు.

సీఐడీ క్వాష్ పిటిషన్‌కు కొట్టివేసి, తనకు బెయిల్ మంజూరు చేయాలని ఆయన కోరారు. అరెస్టయిన 48 గంటల్లోగా బెయిల్ రాకపోతే ఉద్యోగం కోల్పోవాల్సి వస్తుందని కోర్టుకు విన్నవించారు. ఆయన తరఫున సీనియర్ లాయర్లు ఆదినారాయణ రావు, బాలాజీలు వాదనలు వినిపించారు. ఈ వాదనలు విన్న న్యాయస్థానం సాంబశివరావుకు బెయిల్ మంజూరు చేసింది. ఏపీ ఫైబర్ గ్రిడ్ ప్రాజెక్టులో కుంభకోణానికి పాల్పడ్డారని ఆరోపిస్తూ 19 మందిపై సీఐడీ ఎఫ్ఐఆర్ నమోదు చేసింది.

గత ప్రభుత్వం టెరా సాఫ్ట్‌కు అడ్డగోలుగా టెండర్లు కట్టబెట్టిందని, రూ. 330 కోట్ల తొలిదశ ఆఫ్టికల్ ఫైబర్ గ్రిడ్ టెండర్లలో అవినీతి జరిగిందని ఆరోపిస్తోంది. వేమూరి హరిప్రసాద్, టెరాసాఫ్ట్, అప్పటి అధికారులపై సీఐడీ కేసు నమోదుచేసింది. సుమారు రూ.2వేల కోట్ల కుంభకోణం జరిగిందని వాదిస్తోంది. బ్లాక్ లిస్టులోని కంపెనీలకు గత ప్రభుత్వం అవకాశం కల్పించిందని, ఫోర్జరీ పత్రాలతో మోసం చేసినట్లు గుర్తించామని సీఐడీ అధికారులు పేర్కొన్నారు. ఈ కేసుకు సంబంధించి గత వారం వేమూరి హరిప్రసాద్‌తో పాటు సాంబశివరావును కూడా సీఐడీ పలుమార్లు విచారించింది.

Leave a Reply

Your email address will not be published. Required fields are marked *

Next Post

రేవంత్‌రెడ్డికి షాకిచ్చిన కేటీఆర్.. హైకోర్టులో పరువు నష్టం దావా

Mon Sep 20 , 2021
తనపై అసత్య ప్రచారం జరుగుతుందంటూ.. పరువు నష్టం దావా వేశారు మంత్రి కేటీ రామారావు. దుష్ప్రచారం చేసిన వారిపై కోర్టు చర్యలు తీసుకుంటుందని భావిస్తున్నా.. అంటూ కేటీఆర్ ట్వీట్ చేశారు.