కర్నూలు, విజయనగరంలో ITDR కేంద్రాలు.. ఒక్కో చోట 10 వేలమందికి శిక్షణ

కేంద్ర, రాష్ట్ర ప్రభుత్వాలు సంయుక్తంగా ఇన్‌స్టిట్యూట్‌ ఆఫ్‌ డ్రైవింగ్‌ ట్రైనింగ్‌ అండ్ ట్రాఫిక్ రిసెర్చ్‌‌లను ఏర్పాటుచేస్తున్నాయి. ఏపీలో 2016లోనే ఐటీడీఆర్ నిర్మాణ పనులు ప్రారంభమయ్యాయి.

ప్రధానాంశాలు:కేంద్ర, రాష్ట్రాలు కలిసి శిక్షణా కేంద్రాలు.ప్రకాశంలో తొలి ఐటీడీఆర్ కేంద్రం ఏర్పాటు.సకల సౌకర్యాలతో ఔత్సాహికులకు డ్రైవింగ్‌లో శిక్షణరహదారి భద్రత దిశగా మౌలిక వసతుల కల్పనను రాష్ట్ర ప్రభుత్వం వేగవంతం చేసింది. అందుకోసం పూర్తిస్థాయిలో డ్రైవింగ్‌ శిక్షణ అందించేందుకు మరో రెండు ‘ఇన్‌స్టిట్యూట్‌ ఆఫ్‌ డ్రైవింగ్‌ ట్రైనింగ్‌ అండ్ ట్రాఫిక్ రిసెర్చ్‌ (ఐటీడీఆర్‌)’ లను ఏర్పాటు చేయాలని ప్రభుత్వం నిర్ణయించింది. కర్నూలు జిల్లా డోన్, విజయనగరం జిల్లా రాజాపులోవ వద్ద ఈ కేంద్రాలను చేయనున్నారు. ప్రకాశం జిల్లా దర్శిలో ఐటీడీఆర్‌ తొలి దశ పనులు పూర్తికావడంతో కార్యకలాపాలను ప్రారంభించారు. వీటిని కేంద్ర ఉపరితల రవాణా, జాతీయ రహదారుల సంస్థ, రాష్ట్ర ప్రభుత్వం సంయుక్తంగా నెలకొల్పుతాయి.

ఏదైనా కార్పొరేట్‌ సంస్థ, ఎన్‌జీవో భాగస్వామ్యంతో సొసైటీని ఏర్పాటు చేసి లాభాపేక్షలేకుండా నిర్వహిస్తారు. దర్శిలో ఐటీడీఆర్‌ను మారుతి సంస్థతో కలసి ఏర్పాటు చేసిన సొసైటీ కింద నెలకొల్పారు. తాజాగా డోన్‌లో ఐటీడీఆర్‌‌కు అనుమతి మంజూరు చేయగా, రాజాపులోవలో ఏర్పాటుకు సూత్రప్రాయంగా ఆమోదం తెలిపింది. దీనిపై త్వరలో అధికారికంగా ఉత్తర్వులు వెలువడనున్నాయి.

అశోక్‌ లేలాండ్‌ కంపెనీతో కలసి సొసైటీ కింద ఏర్పాటు చేస్తున్న ఈ శిక్షణ కేంద్రాలకు ఒక్కో దానికి కేంద్ర ప్రభుత్వం రూ.18 కోట్లు మంజూరు చేస్తోంది. రాష్ట్ర ప్రభుత్వం ఒక్కో ఐటీడీఆర్‌కు 10 ఎకరాల భూమి కేటాయిస్తోంది. డోన్‌ ఐటీడీటీఆర్‌ కోసం ఇప్పటికే భూములను గుర్తించారు. రవాణా శాఖ ఉన్నతాధికారులు వచ్చేవారం వాటిని పరిశీలించనున్నారు. అనంతరం రాజాపులోవలో అందుబాటులో ఉన్న భూములపై విజయనగరం జిల్లా అధికారులతో చర్చిస్తారు.

ఈ రెండు ఐటీడీఆర్‌లలో ఒక్కోదాన్లో ఏడాదికి దాదాపు 10 వేల మంది చొప్పున డ్రైవర్లకు శిక్షణ ఇస్తారు. వారిలో కొత్త డ్రైవర్లతోపాటు ఇప్పటికే ప్రభుత్వ, ప్రైవేటు రంగాల్లో డ్రైవర్లుగా ఉన్నవారికి ఓరియంటేషన్‌ తరగతులు నిర్వహిస్తారు. శాస్త్రీయ విధానాల్లో డ్రైవింగ్‌ శిక్షణకు అవసరమైన మౌలిక వసతులను ఈ కేంద్రాల్లో ఏర్పాటు చేస్తారు.

వివిధ కేటగిరీలకు చెందిన వాహనాలను అందుబాటులో ఉంచుతారు. కార్లు, హెవీ వెహికిల్స్‌ స్టిమ్యులేటర్లు ఏర్పాటు చేస్తారు. కంప్యూటరైజ్డ్‌ క్లాస్‌రూంలు ఉంటాయి. వర్క్‌షాప్, ఇంజిన్‌ రూమ్, ఎలక్ట్రిక్‌ డిస్‌ప్లే రూమ్, లైబ్రరీ, క్యాంటిన్‌ మొదలైన సౌకర్యాలు కల్పిస్తారు. డ్రైవింగ్‌లో శిక్షణ కోసం రెండు, నాలుగు, ఆరు లేన్ల రోడ్లు, పార్కింగ్‌ యార్డ్, త్రీపాయింట్, ఫైవ్‌ పాయింట్‌ టర్న్‌ రోడ్లు మొదలైనవి నిర్మిస్తారు.

Leave a Reply

Your email address will not be published. Required fields are marked *

Next Post

భారత మహిళా క్రికెటర్ స్టన్నింగ్ క్యాచ్.. బౌండరీ లైన్ వద్ద డియోల్ సాహసం

Sat Jul 10 , 2021
బౌండరీ లైన్ వద్ద గాల్లోకి ఎగిరి క్యాచ్ పట్టి.. లైన్‌ని తాకే సమయంలో బంతిని మైదానంలోకి విసిరి.. ఆ తర్వాత బౌండరీ లైన్ వెలుపల నుంచి మళ్లీ డైవ్ చేసి బంతిని క్యాచ్‌గా అందుకోవడం పురుషుల క్రికెట్‌లో సాధారణంగా చూస్తుంటాం. కానీ.. మహిళల క్రికెట్‌లో.. అదీ భారత ఫీల్డర్ ఆ సాహసం చేసింది.