ఏపీలో ఏ ఫంక్షనైనా 50 మందితోనే.. సినిమా హాల్స్‌కు 50% పరిమితి.. జగన్ సర్కార్ సంచలన ఆదేశాలు

కరోనా వైరస్ విలయతాండవం చేస్తున్న నేపథ్యంలో మహమ్మారి కట్టడికి జగన్ సర్కారు కీలక నిర్ణయం తీసుకుంది.

ఆంధ్రప్రదేశ్ వ్యాప్తంగా కరోనా వైరస్ మహమ్మారి విలయతాండవం చేస్తున్న వేళ మహమ్మారి నివారణకు ఏపీ ప్రభుత్వం మరిన్ని చర్యలు తీసుకుంటోంది. ఇకపై రాష్ట్రంలో ఏ వేడుక నిర్వహించేందుకైనా సరే, 50 మందికి మాత్రమే అనుమతిస్తామని వైద్య, ఆరోగ్య శాఖ ముఖ్య కార్యదర్శి అనిల్‌కుమార్‌ సింఘాల్‌ వెల్లడించారు. ఈ మేరకు సోమవారం అనిల్ కుమార్ సింఘాల్ మీడియాలో మాట్లాడుతూ.. క్రీడా ప్రాంగణాలు, జిమ్‌లు, స్విమ్మింగ్ పూల్స్‌ను తాత్కాలికంగా మూసివేయాలని అధికారులకు ఆదేశాలు జారీ చేసినట్లు చెప్పారు.

అలాగే 50 శాతం సామర్థ్యంతోనే ప్రజా రవాణా, సినిమా హాళ్లకు అనుమతిస్తున్నట్లు అనిల్ కుమార్ సింఘాల్ వెల్లడించారు. అలాగే అన్ని కార్యాలయాల్లో 50 గజాల దూరం పాటించాలని సింఘాల్‌ కోరారు. ఒకే కాల్‌సెంటర్‌ ద్వారా ఆస్పత్రుల్లో పడకల కేటాయింపు, అడ్మిషన్లు జరగాలన్నారు.

ఇక, రెమ్‌డెసివిర్‌ పర్యవేక్షణ కోసం రాష్ట్రస్థాయి టాస్క్‌ఫోర్సును ఏర్పాటు చేసినట్లు అనిల్ కుమార్ సింఘాల్ చెప్పారు. ప్రస్తుతం రాష్ట్రంలో 11 వేల రెమ్‌డెసివిర్‌ వయల్స్‌ అందుబాటులో ఉన్నాయన్నారు. అలాగే, రాష్ట్రానికి 341 టన్నుల ఆక్సిజన్‌ను కేంద్ర ప్రభుత్వం కేటాయించిందని.. కానీ, అది ఏమాత్రం సరిపోవడం లేదని వెల్లడించారు. చాలా చోట్ల ఆక్సిజన్‌ వృథా అవుతోందని.. అవసరం లేకపోయినా ఆక్సిజన్‌ వాడుతున్నారని ఆందోళన వ్యక్తం చేశారు. ఇకపై, మెడికల్‌ ఆక్సిజన్‌ వినియోగాన్ని పర్యవేక్షిస్తామని అనిల్‌కుమార్‌ సింఘాల్‌ స్పష్టం చేశారు.

Leave a Reply

Your email address will not be published. Required fields are marked *

Next Post

మోటో జీ20 వచ్చేసింది.. ధర రూ.14 వేలలోపే.. ఫీచర్లు ఎలా ఉన్నాయంటే?

Mon Apr 26 , 2021
ప్రముఖ స్మార్ట్ ఫోన్ బ్రాండ్ మోటొరోలా తన కొత్త ఫోన్ మోటో జీ20ని లాంచ్ చేసింది. ఆండ్రాయిడ్ 11 ఆధారిత మైయూఎక్స్ ఆపరేటింగ్ సిస్టంపై ఈ ఫోన్ పనిచేయనుంది. 5000 ఎంఏహెచ్ బ్యాటరీని కూడా ఇందులో అందించారు.