CT, HRCT Scan ధరలు నిర్ణయించిన జగన్ సర్కార్‌.. ఇంత కంటే ఎక్కువ వసూలు చేశారో..!

కరోనా వైరస్ నేపథ్యంలో బాగా డిమాండ్ ఉన్న సీటీ, హెచ్ఆర్‌సీటీ స్కానింగ్‌లకు సంబంధించి ఏపీ ప్రభుత్వం ధరలను ఫిక్స్ చేసింది.

కరోనా వైరస్ సంక్షోభాన్ని ఆసరాగా తీసుకుని ప్రైవేటు ఆస్పత్రులు, స్కానింగ్ కేంద్రాల్లో చేసే పరీక్షలపై అధికంగా వసూలు చేస్తున్న వారిపై ఆంధ్రప్రదేశ్ ప్రభుత్వం చర్యలకు ఉపక్రమించింది. కరోనా బాధితులకు చేసే సీటీ స్కాన్‌, హెచ్‌ఆర్‌ సీటీ స్కాన్‌ల పేరుతో చేసే దోపిడీకి అడ్డుకట్ట వేసేందుకు సంకల్పించింది. ఈ మేరకు సీటీ స్కాన్‌ ధరను నిర్ణయిస్తూ జగన్ సర్కార్‌ ఆదేశాలు జారీ చేసింది. కోవిడ్ అనుమానితులకు సీటీ స్కాన్ లేదా హెచ్‌ఆర్‌ సీటీ స్కానింగ్‌కు గరిష్టంగా రూ. 3 వేలుగా ధరను నిర్ణయించింది.

స్కానింగ్‌ల సమయంలో వాడే పీపీఈ కిట్లు, మాస్కు, స్ప్రెడ్ షీట్లతో కలిపి ఈ ధరను నిర్ణయించినట్లు ఏపీ ప్రభుత్వం ఆదేశాల్లో పేర్కొంది. ఎట్టి పరిస్థితుల్లోనూ రూ. 3 వేల కంటే ఎక్కువ ఫీజు వసూలు చేయకూడదని స్పష్టం చేసింది. స్కానింగ్ అనంతరం అనుమానితుల వివరాలను కోవిడ్ డాష్ బోర్డు వెబ్‌సైట్లో తప్పక నమోదు చేయాలని ఆదేశించింది.

ఈ మేరకు తగు చర్యలు తీసుకోవాలని ప్రజారోగ్యం, కుటుంబ సంక్షేమ శాఖ కమిషనర్, అన్ని జిల్లాల కలెక్టర్లకు ప్రభుత్వం ఆదేశాలు జారీ చేసింది. ప్రైవేటు ఆస్పత్రులు, స్కానింగ్ కేంద్రాలను నిరంతరం పర్యవేక్షిస్తూ నిబంధనలు పాటించని వారిపై కఠిన చర్యలు తీసుకోవాలని ఆదేశాలు జారీ చేసింది. ఎవరైనా రూ. 3 వేల కంటే ఎక్కువ డబ్బు వసూలు చేస్తే కఠిన చర్యలు తీసుకుంటామని ప్రభుత్వం హెచ్చరించింది.

Leave a Reply

Your email address will not be published. Required fields are marked *

Next Post

కరోనా రోగులకు నీళ్లతో ఇంజెక్షన్లు, అసలు మందులు దోపిడీ.. భయంకర నిజాలు

Sun Apr 25 , 2021
కరోనాతో జనం అల్లాడిపోతుంటే కనీసం మందులు దొరక్కుండా చేస్తున్నారు దుర్మార్గులు. బతికుండగానే కరోనా రోగులకు నిలువునా చంపేస్తున్నారు. నీళ్ల ఇంజెక్షన్లు ఎక్కిస్తున్నారు.