ఆంధ్రజ్యోతి ఎండీ వేమూరి రాధాకృష్ణకు సీఎం జగన్‌ ఫోన్ కాల్!

ఏబీఎన్- ఆంధ్రజ్యోతి మీడియా సంస్థల ఎండీ వేమూరి రాధాకృష్ణకు ముఖ్యమంత్రి వైఎస్ జగన్మోహన్ రెడ్డి ఫోన్ చేసి పరామర్శించారు.

ఏబీఎన్, ఆంధ్రజ్యోతి మీడియా సంస్థల ఎండీ వేమూరి రాధాకృష్ణ (ఆర్కే)కు ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డి ఫోన్‌ చేశారు. ఆర్కే సతీమణి వేమూరి కనకదుర్గ మృతి పట్ల సీఎం జగన్‌ తీవ్ర సంతాపం తెలిపారు. ఈ మేరకు రాధాకృష్ణను సీఎం జగన్‌ ఫోన్‌లో పరామర్శించారు.

గత కొద్ది రోజులుగా అనారోగ్యంతో ఆస్పత్రిలో చికిత్స పొందుతున్న ఆంధ్రజ్యోతి సంస్థల డైరెక్టర్ వేమూరి కనకదుర్గ (63) మంగళవారం కన్నుమూశారు. వేమూరి కనకదుర్గ మృతికి పలువురు సినీ, రాజకీయ ప్రముఖులు, ఏబీఎన్-ఆంధ్రజ్యోతి ఉద్యోగులు, జర్నలిస్టులు సంతాపం తెలియజేశారు. భార్య పార్థీవదేహాన్ని చూసి ఏబీఎన్ రాధాకృష్ణ కన్నీటిపర్యంతమయ్యారు.

ఈ నేపథ్యంలో ముఖ్యమంత్రి వైఎస్‌ జగన్‌మోహన్‌రెడ్డి కనకదుర్గ మృతి పట్ల సంతాపం తెలియజేశారు. ఈ కష్ట సమయంలో రాధాకృష్ణకు, వారి కుటుంబ సభ్యులకు దేవుడు మనోధైర్యాన్ని ఇవ్వాలని సీఎం జగన్‌ ఆకాంక్షించారు.

Leave a Reply

Your email address will not be published. Required fields are marked *

Next Post

అనారోగ్యంగానే పవన్ కళ్యాణ్.. కరోనా నుంచి కోలుకున్నా అప్పటి వరకూ..

Tue Apr 27 , 2021
ఇటీవల ‘వకీల్‌సాబ్’ సినిమాతో తెలుగు వెండితెరపై రీఎంట్రీ ఇచ్చారు పవర్‌స్టార్ పవన్‌కళ్యాణ్. అయితే ఈ సినిమా విడుదలైన కొన్ని రోజులకే ఆయన కరోనా బారిన పడ్డారు. కొన్ని రోజులు ఐసోలేషన్‌లో చికిత్స తీసుకున్న తర్వాత పవన్‌ వైరస్ నుంచి కోలుకున్నారు. కానీ, ఆయన ఇంకా అనారోగ్యంగానే ఉన్నారని వైద్యులు చెబుతున్నారు.