ఫోన్ చేసిన 3 గంటల్లో బెడ్ ఇవ్వాల్సిందే.. సీఎం జగన్ సంచలన ఆదేశాలు

కరోనా రోగులకు వైద్య సేవలపై ముఖ్యమంత్రి వైఎస్ జగన్మోహన్ రెడ్డి కీలక ఆదేశాలు జారీ చేశారు.

రాష్ట్రంలో 104 కాల్‌సెంటర్‌ సమర్థంగా పనిచేయాలని.. ఫోన్‌ చేసిన వారికి తక్షణమే పరిష్కారం చూపాలని ముఖ్యమంత్రి వైఎస్ జగన్మోహన్ రెడ్డి ఆదేశించారు. కరోనా బాధితులు 104కి ఫోన్‌ చేసిన 3 గంటల్లోనే పడక కేటాయించాలని పునరుద్ఘాటించారు. కరోనా కట్టడికి తీసుకోవాల్సిన చర్యలపై ముఖ్యమంత్రి జగన్‌ అధికారులతో సమీక్ష నిర్వహించారు. స్పందన కార్యక్రమంలో భాగంగా కలెక్టర్లు, ఎస్పీలతో వీడియో కాన్ఫరెన్స్‌లో పాల్గొన్నారు.

ఈ సందర్భంగా సీఎం జగన్ మాట్లాడుతూ.. ప్రభుత్వం ఆధీనంలో ఉన్న ఆస్పత్రుల్లో నాణ్యతతో కూడిన ఆహారం, శానిటేషన్, ఔషధాల లభ్యత, తగినంత మంది వైద్యులు, పారా మెడికల్‌ సిబ్బంది, హెల్ప్‌ డెస్క్‌ల్లో ఆరోగ్యమిత్రలు అందుబాటులో ఉండాలని ఆదేశించారు. అలాగే ఆస్పత్రుల్లో సీసీటీవీ కెమెరాలు పని చేస్తున్నాయా? లేదా? అనేది ప్రతిరోజూ సిబ్బంది చెక్ చేసుకోవాలన్నారు. జిల్లా స్థాయిలో కోవిడ్‌ ఆస్పత్రులను క్లస్టర్లుగా విభజించాలన్నారు. జిల్లా స్థాయి ఫ్లైయింగ్‌ స్క్వాడ్‌ ఏర్పాటు చేయాలని, అందులో ఔషధ నియంత్రణ విభాగం అధికారులు కూడా ఉండాలని పేర్కొన్నారు. అన్ని ఆస్పత్రుల్లో వైద్య సిబ్బంది, పారా మెడికల్‌ సిబ్బంది పూర్తి స్థాయిలో ఉండాలని స్పష్టం చేశారు.

రాష్ట్రవ్యాప్తంగా ఉన్న ఆస్పత్రుల్లో ఎక్కడ ఖాళీలు ఉన్నా తక్షణమే వాక్‌ ఇన్‌ ఇంటర్వ్యూలు నిర్వహించాలని సీఎం జగన్ ఆదేశాలు జారీ చేశారు. 48 గంటల్లో నియామకాలు పూర్తి చేయాలని.. ప్రజలు ఒకే చోట చేరకుండా చూడాలన్నారు. ఇకపై పెళ్లిళ్లకు కేవలం 50 మందికి మాత్రమే అనుమతి ఉంటుందని తేల్చి చెప్పారు.

Leave a Reply

Your email address will not be published. Required fields are marked *

Next Post

రూ.15 వేలలోపే ఒప్పో 5జీ ఫోన్.. లాంచ్ అయిపోయింది.. ఫీచర్లు ఇవే!

Tue Apr 27 , 2021
ప్రముఖ స్మార్ట్ ఫోన్ బ్రాండ్ ఒప్పో మనదేశంలో కొత్త 5జీ ఫోన్‌ను లాంచ్ చేసింది. అదే ఒప్పో ఏ53ఎస్ 5జీ. దీని ధర రూ.14,990గా ఉంది. మీడియాటెక్ డైమెన్సిటీ 700 ప్రాసెసర్, 5000 ఎంఏహెచ్ బ్యాటరీ కూడా ఇందులో ఉన్నాయి.