WI vs AUS 1st T20లో కంగారూలకి పంచ్… రసెల్ విధ్వంసం

ఐపీఎల్ 2021 సీజన్‌లో ఆడాలని ఆశిస్తున్న ఆస్ట్రేలియా స్టార్ క్రికెటర్లు.. వెస్టిండీస్‌ టూర్‌కి దూరంగా ఉన్నారు. దాంతో.. ఫస్ట్ టీ20 మ్యాచ్‌లోనే ఆ ఆటగాళ్లు లేని లోటు టీమ్‌లో స్పష్టంగా కనబడింది.

ప్రధానాంశాలు:ఆస్ట్రేలియాని ఫస్ట్ టీ20లో ఓడించేసిన వెస్టిండీస్మెరుపు హాఫ్ సెంచరీ బాదిన ఆండ్రీ రసెల్నాలుగు వికెట్లు పడగొట్టిన మెకాయ్ రెండో టీ20 మ్యాచ్ ఆదివారంవెస్టిండీస్ పర్యటనని ఆస్ట్రేలియా టీమ్ పేలవంగా ఆరంభించింది. శనివారం ఎస్టీ లూసియా వేదికగా జరిగిన ఫస్ట్ టీ20 మ్యాచ్‌లో అలవోకగా గెలిచేలా కనిపించిన ఆస్ట్రేలియా.. చివర్లో వరుసగా వికెట్లు చేజార్చుకుని 18 పరుగుల తేడాతో ఓడిపోయింది. దాంతో.. ఐదు టీ20ల సిరీస్‌లో ఆతిథ్య వెస్టిండీస్ 1-0తో ఆధిక్యంలో నిలవగా.. రెండో టీ20 మ్యాచ్ ఆదివారం జరగనుంది.

మ్యాచ్‌లో టాస్ ఓడి మొదట బ్యాటింగ్ చేసిన వెస్టిండీస్ టీమ్ నిర్ణీత 20 ఓవర్లలో 6 వికెట్ల నష్టానికి 145 పరుగులు చేసింది. ఓపెనర్ సిమన్స్ (27: 28 బంతుల్లో 2×4, 2×6) ఫర్వాలేదనిపించగా.. మరో ఓపెనర్ ఎవిన్ లావిస్ (0), క్రిస్ గేల్ (4: 10 బంతుల్లో 1×4) నిరాశపరిచారు. ఇక మిడిల్ ఓవర్లలో హెట్‌మెయర్ (20: 25 బంతుల్లో 1×4), నికోలస్ పూరన్ (17: 16 బంతుల్లో 3×4) మంచి టచ్‌లో కనిపించినా.. గేర్ మార్చలేకపోయారు. అయితే.. ఆరో స్థానంలో క్రీజులోకి వచ్చిన ఆండ్రీ రసెల్ (51: 28 బంతుల్లో 3×4, 5×6) భారీ సిక్సర్లతో చెలరేగిపోయాడు. దాంతో.. వెస్టిండీస్ మెరుగైన స్కోరుని అందుకోగలిగింది. ఆస్ట్రేలియా బౌలర్లలో హేజిల్‌వుడ్ మూడు వికెట్లు పడగొట్టగా.. మిచెల్ మార్ష్ రెండు వికెట్లు తీశాడు.

146 పరుగుల ఛేదనలో ఆస్ట్రేలియా కెప్టెన్ అరోన్ ఫించ్ (4: 5 బంతుల్లో) ఫెయిలైనా.. మరో ఓపెనర్ మాథ్యూవెడ్ (33: 14 బంతుల్లో 1×4, 3×6)తో కలిసి మిచెల్ మార్ష్ (51: 31 బంతుల్లో 5×4, 2×6) దూకుడుగా ఆడేశాడు. కానీ.. టీమ్ స్కోరు 48 వద్ద మాథ్యూవెడ్ ఔటవగా.. జోష్ ఫిలిప్పీ (1), హెన్రిక్యూస్ (16), బెన్ మెక్‌డీమాట్ (2), డేనియల్ క్రిస్టియాన్ (10), అస్టన్ అగర్ (1), మిచెల్ స్టార్క్ (3), జోష్ హేజిల్‌వుడ్ (0) వరుసగా వికెట్లు చేజార్చుకున్నారు. వెస్టిండీస్ బౌలర్ ఒబెడ్ మెకాయ్ మిడిల్ ఓవర్లలో వరుసగా వికెట్లు పడగొట్టి.. ఆస్ట్రేలియాని ఒత్తిడిలోకి నెట్టేశాడు. అతనికి జోడీగా ఫాబియెన్ అలెన్ రెండు, హెడెన్ వాల్ష్ మూడు వికెట్లు పడగొట్టారు. దాంతో.. 16 ఓవర్లలో 127 పరుగులకే ఆస్ట్రేలియా ఆలౌటైంది. ఐపీఎల్ 2021 సీజన్‌లో ఆడేందుకు మాక్స్‌వెల్, జె రిచర్డ్‌సన్, డేవిడ్ వార్నర్, మార్కస్ స్టాయినిస్ తదితర క్రికెటర్లు ఈ విండీస్‌ టూర్‌కి దూరంగా ఉన్నారు.

Leave a Reply

Your email address will not be published. Required fields are marked *

Next Post

‘అనుమానం పెనుభూతం.. ఆదిలోనే తుంచేయాలి’: వేమన పద్యం గుర్తుచేస్తూ జగన్‌కు లేఖ

Sat Jul 10 , 2021
లెక్కాపత్రం లేకుండా రెండేళ్లలో రాష్ట్ర ప్రభుత్వం రూ.41వేల కోట్లను ఖర్చుచేసిందని, ఈ అంశంపై ప్రిన్సిపల్ అకౌంటెంట్ జనరల్ రాసిన లేఖను జతచేసి టీడీపీ గవర్నర్‌కు ఫిర్యాదు చేసింది.