AP MPTC ZPTC Election Results 2021: ఏపీ జెడ్పీటీసీ, ఎంపీటీసీ ఎన్నికల్లో వైసీపీ హవా

AP ZPTC MPTC Election 2021 Counting: పరిషత్ ఎన్నికల్లో వైసీపీ హవా కొనసాగుతోంది.. అన్ని చోట్లా అధికార పార్టీ అభ్యర్థులు విజయం సాధిస్తున్నారు. ప్రతిపక్ష పార్టీలు ఈ కౌంటింగ్‌ను కూడా బహిష్కరించారు.

ప్రధానాంశాలు:ఏపీ పరిషత్ ఎన్నికల ఓట్ల లెక్కింపుసాయంత్రానికి పూర్తి స్థాయి ఫలితాలువిజయోత్సవ ర్యాలీలపై నిషేధంఏపీ జెడ్పీటీసీ, ఎంపీటీసీ ఓట్ల లెక్కింపు కొనసాగుతోంది. గుంటూరు: మాచర్ల నియెజకవర్గంలో వైఎస్సార్‌సీపీ క్లీన్‌స్వీప్‌ చేసింది. ఐదు జీడ్పీటీసీ స్థానాలకు ఐదూ వైఎస్సార్‌సీపీ కైవసం చేసుకుంది. 71 ఎంపీటీసీ స్థానాలకు 71 వైఎస్సార్‌సీపీ కైవసం చేసుకుంది.

* పరిషత్‌ ఎన్నికల్లో నారావారిపల్లిలో చంద్రబాబుకు షాక్‌ తగిలింది. నారావారిపల్లి ఎంపీటీసీ వైఎస్సార్‌సీపీ కైవసం చేసుకుంది. టీడీపీ ఎంపీటీసీ అభ్యర్థి గంగాధరం పరాజయం పొందారు. 1,347 ఓట్ల మెజార్టీతో వైఎస్సార్‌సీపీ అభ్యర్థి రాజయ్య గెలుపొందారు. టీడీపీకి అభ్యర్థికి కేవలం 307 ఓట్లు మాత్రమే పోలయ్యాయి.

* పరిషత్ ఎన్నికల ఫలితాలే సీఎం వైఎస్‌ జగన్‌ పాలనకు నిదర్శనమన్నారు మంత్రి అనిల్ కుమార్ యాదవ్. తాము ఎన్నికలను బహిష్కరించాం అంటున్న నేతలకు సిగ్గుందా అని ప్రశ్నించారు. టీడీపీ అభ్యర్థులను నిలబెట్టి ప్రచారం చేసింది. కానీ, ఘోరమైన ఫలితాలు వస్తాయని ముందే తెలిసి పారిపోయిందన్నారు.

* బీసీ, ఎస్సీ, ఎస్టీ, మైనారిటీలు టీడీపీ వైపు ఎందుకుంటారని మంత్రి ప్రశ్నించారు. ఆయా వర్గాలకు సీఎం వైఎస్‌ జగన్‌మోహన్‌రెడ్డి చేసిన సంక్షేమ ఫలాలకు తగినట్టుగా ఫలితాలు వచ్చాయన్నారు. ప్రజలంతా వైఎస్‌ జగన్‌ను గుండెల్లో పెట్టుకుని తీర్పునిస్తున్నారని అన్నారు.

* విజయనగరం: పరిషత్‌ ఎన్నికలల్లో వైఎస్సార్‌సీపీ హవా కొనసాగుతోంది. సీతానగరం మండలంలో 17 ఎంపీటీసీ స్థానాలకు ఆరు ఏకగ్రీవం కాగా, మిగిలిన 11 ఎంపీటీసీ స్థానాల్లో 5 చోట్ల వైఎస్సార్‌సీపీ విజయం సాధించింది.

* గుంటూరు జిల్లా తాడికొండ మండలంలో కౌంటింగ్ నిలిచిపోయింది. బ్యాలెట్ బ్యాక్సులో పేపర్లు తడిచిపోవడంతో బేజాత్‌పురం ఎంపీటీసీ, రావెల ఎంపీటీసీ స్థానానికి సంబంధించిన కౌంటింగ్‌పై సందిగ్ధత ఏర్పడింది.

* విశాఖ జిల్లా పాకలపాడు లింగంపేట కౌంటింగ్ బాక్సులు ఓపెన్ చేసే సమయానికి బ్యాలెట్ బాక్స్ ల్లోకి నీరు వెళ్లడంతో అక్కడున్న అదికారులు ఓట్లు ఎలా లెక్కించాలో తెలియక తలలు పట్టుకున్నారు. చివరకి ఏమి చేయలేని పరిస్థితులలో కలెక్టర్ కి సమచారం ఇవ్వడంతో ఆర్.డి.ఓ హుటాహుటిన ఆ కౌంటింగ్ కేంద్రానికి బయలు దేరి వెళ్లినట్టు తెలుస్తుంది.

13 జిల్లాల్లో ఓట్ల లెక్కింపు కోసం కౌంటింగ్ కేంద్రాలను ఏర్పాటు చేశారు. ఈ ప్రక్రియ కోసం11,803 మంది కౌంటింగ్‌ సూపర్‌వైజర్లు, 32,264 సిబ్బందిని నియమించారు. నిరంత పర్యవేక్షణకు కమిషనరేట్‌లో కమాండ్‌ కంట్రోల్‌ రూం ఏర్పాటు చేశారు. కమిషనర్‌ కార్యాలయం నుంచి 13 మంది అధికారులను నియమించారు. సాయంత్రానికి పూర్తి స్థాయి ఫలితాలు వచ్చే అవకాశం ఉంది. అలాగే ఫలితాల తర్వాత సంబరాలు, విజయోత్సవ ర్యాలీలకు అనుమతి లేదు.
7,219 ఎంపీటీసీ.. 515 జెడ్పీటీసీ స్థానాలకు సంబంధించి అభ్యర్థులు నామినేషన్లు దాఖలు చేసిన వారి భవితవ్యం తేలబోతోంది. జిల్లాలవారీగా చూస్తే వివరాలు ఇలా ఉన్నాయి.
శ్రీకాకుళం: 37 జడ్పీటీసీ, 590 ఎంపీటీసీ స్థానాలకు కౌంటింగ్‌
విజయనగరం: 31 జడ్పీటీసీ, 487 ఎంపీటీసీ స్థానాలకు కౌంటింగ్‌
విశాఖపట్నం: 37 జడ్పీటీసీ, 612 ఎంపీటీసీ స్థానాలకు కౌంటింగ్‌
తూర్పు గోదావరి: 61 జడ్పీటీసీ, 996 ఎంపీటీసీ స్థానాలకు కౌంటింగ్‌
పశ్చిమ గోదావరి: 45 జడ్పీటీసీ, 781 ఎంపీటీసీ స్థానాలకు కౌంటింగ్‌
కృష్ణా: 41 జడ్పీటీసీ, 648 ఎంపీటీసీ స్థానాలకు కౌంటింగ్‌
గుంటూరు : 45 జడ్పీటీసీ, 571 ఎంపీటీసీ స్థానాలకు కౌంటింగ్‌
ప్రకాశం: 41 జడ్పీటీసీ, 368 ఎంపీటీసీ స్థానాలకుకౌంటింగ్‌
నెల్లూరు: 34 జడ్పీటీసీ, 362 ఎంపీటీసీ స్థానాలకుకౌంటింగ్‌
చిత్తూరు: 33 జడ్పీటీసీ, 419 ఎంపీటీసీ స్థానాలకు కౌంటింగ్‌
వైఎస్సార్‌: 12 జడ్పీటీసీ, 117 ఎంపీటీసీ స్థానాలకు కౌంటింగ్‌
కర్నూలు: 36 జడ్పీటీసీ, 484 ఎంపీటీసీ స్థానాలకు కౌంటింగ్‌
అనంతపురం: 62 జడ్పీటీసీ, 781 ఎంపీటీసీ స్థానాలకు కౌంటింగ్‌

ఎన్నికల కౌంటింగ్‌కు సంబంధించి అన్ని ఏర్పాట్లు పూర్తి చేశారు. కౌంటింగ్‌ కేంద్రాల వద్ద మద్యం షాపులు మూసేసి, 144 సెక్షన్‌ అమల్లోకి తీసుకొచ్చారు. కౌంటింగ్‌ సిబ్బందితో పాటు అభ్యర్థుల తరుఫున హాజరయ్యే ఏజెంట్లు కరోనా వ్యాక్సినేషన్‌ వేయించుకొని ఉండాలనే ఆదేశాలు వెళ్లాయి. అభ్యర్థి, కౌంటింగ్‌ ఏజెంట్లు రెండు డోసుల వ్యాక్సిన్‌ పూర్తయినట్లు ధృవీకరణ పత్రం చూపాలి. ర్యాపిడ్‌ యాంటి జెన్‌ టెస్ట్‌/ఆర్టీపీసీఆర్‌ టెస్ట్‌లో నెగటివ్‌ ఉంటేనే లెక్కింపు కేంద్రం లోపలికి అనుమతి. మూడు రోజుల క్రితమే హైకోర్టు డివిజన్‌ బెంచ్‌ ఓట్ల లెక్కింపునకు అనుమతించడంతో కౌంటింగ్ చేపడుతున్నారు.

Leave a Reply

Your email address will not be published. Required fields are marked *

Next Post

టీటీడీ బోర్డు నియామకంపై వివాదం.. ట్విస్ట్ ఇచ్చిన కేంద్రమంత్రి, ఏపీ సీఎం జగన్‌కు సంచలన లేఖ

Sun Sep 19 , 2021
టీటీడీ బోర్డు సభ్యులు, 50 మంది ప్రత్యేక ఆహ్వానితుల నియామకం తీవ్ర చర్చనీయాంశమవుతోంది. హైదరాబాద్‌కు చెందిన వ్యాపారవేత్త వై.రవిప్రసాద్‌ను తాను వ్యక్తిగతంగా కానీ, తన శాఖ తరఫున కానీ సిఫార్సు చేయలేదని స్పష్టం చేస్తూ కిషన్‌రెడ్డి ఆంధ్రప్రదేశ్‌ ముఖ్యమంత్రి వైఎస్‌ జగన్‌కు లేఖ రాశారు