కరోనా పరీక్షలకు ఈ ధర కంటే ఎక్కువ వసూలు చేశారో.. ప్రైవేటు ల్యాబ్స్‌కు జగన్ సర్కార్ వార్నింగ్.. టోల్ ఫ్రీ నంబర్ ఇదే!

ఆంధ్రప్రదేశ్ ప్రభుత్వం కరోనా పరీక్షలు చేసే ప్రైవేటు ల్యాబ్స్‌కు స్ట్రాంగ్ వార్నింగ్ ఇచ్చింది.

ఆంధ్రప్రదేశ్‌లో ఆర్‌టీపీసీఆర్‌ టెస్టులు నిర్వహిస్తున్న ప్రైవేటు ల్యాబ్‌లపై ఆరోగ్యశ్రీ హెల్త్ కేర్ ట్రస్ట్ సీఈవో డాక్టర్ మల్లికార్జున తీవ్ర ఆగ్రహం వ్యక్తం చేశారు. కరోనా వైరస్ నిర్ధారణ పరీక్షలకు అధిక ఛార్జీలు వసూలు చేస్తే ఇకపై, ప్రైవేట్ ల్యాబ్‌ల రిజిస్ట్రేషన్ రద్దు చేస్తామని ఆయన హెచ్చరించారు. రాష్ట్ర ప్రభుత్వం సూచించిన విధంగా రూ.499 మాత్రమే చార్జ్‌ వసూలు చేయాలని ఆదేశాలు జారీ చేశారు. ఈ మేరకు ఆదివారం ఆయన మీడియాతో మాట్లాడుతూ కీలక వ్యాఖ్యలు చేశారు.

రాష్ట్రంలో కొత్తగా ఐసీఎంఆర్- ఎన్ఏబీఎల్ అనుమతి పొందిన ప్రైవేటు ల్యాబ్‌లు వెంటనే ఆరోగ్యశ్రీ ట్రస్ట్‌ను సంప్రదించాలని.. ఎంఎన్ఎస్ పోర్టల్ లాగిన్‌లు పొందాలని మల్లికార్జున సూచించారు. కొవిడ్‌ నిర్ధారణ పరీక్షలు జరిపిన వెంటనే ఎంఎన్ఎస్ పోర్టల్‌లో ఫలితాల వివరాలు నమోదు చేయాలని స్పష్టం చేశారు.

ప్రభుత్వ నిబంధనలను పాటించడం లేదని ఫిర్యాదు వస్తే.. వెంటనే విచారణ జరిపి ప్రైవేటు ల్యాబ్‌ల రిజిస్ట్రేషన్లను రద్దు చేస్తామని మల్లికార్జున హెచ్చరించారు. అలాగే అలాంటి ల్యాబ్‌లపై క్రిమినల్ కేసులు నమోదు చేస్తామని స్పష్టం చేశారు. బాధితులు ఎవరైనా సరే 1902 టోల్‌ ఫ్రీ నంబర్‌కు ఫిర్యాదు చేయవచ్చని సీఈవో సూచించారు.

Leave a Reply

Your email address will not be published. Required fields are marked *

Next Post

జగన్ సర్కార్‌కు బిగ్ రిలీఫ్.. కేంద్రం తీపి కబురు

Mon Apr 26 , 2021
బహిరంగ మార్కెట్లో బాండ్లు జారీచేయడం ద్వారా నిధులు సమీకరించాలని నాబార్డును ఆదేశించింది. నాబార్డు నిధులను సేకరించి ఎన్‌డబ్ల్యూడీఏ, పోలవరంప్రాజెక్టు అథారిటీ) ద్వారా రాష్ట్ర ప్రభుత్వానికి విడుదల చేయనుంది.