భర్తపై అనసూయ ఎమోషనల్ కామెంట్స్.. దానికి కారణం నువ్వే అంటూ జబర్దస్త్ బ్యూటీ ఓపెన్

ఏదైనా ముక్కుసూటిగా మాట్లాడే అనసూయ.. తాజాగా తన భర్తను ఉద్దేశిస్తూ ఓ పోస్ట్ పెట్టడంతో అది వెంటనే వైరల్ అయింది. సుశాంక్ భరద్వాజ్‌తో దిగిన ఓ పిక్ షేర్ చేస్తూ ఆమె ఎమోషనల్ కామెంట్ చేసింది.

బుల్లితెరపై ప్రతి వారం జబర్దస్తీ చేస్తున్న యాంకర్ అనసూయ సోషల్ మీడియాలో కూడా తెగ హంగామా చేస్తోంది. ఎప్పటికప్పుడు నెటిజన్లతో టచ్‌లో ఉంటూ తన వ్యక్తిగత విషయాలతో పాటు సినిమా, టీవీ సంగతులు షేర్ చేసుకుంటోంది. అలాగే తన హాట్ హాట్ ఫొటోలు పోస్ట్ చేస్తూ నెటిజన్ల దృష్టి ఎప్పుడూ తనపైనే ఉండేలా చూసుకుంటోంది. తన వస్త్రాధారణపై ఎన్ని ట్రోల్స్ నడిచినా పెద్దగా పట్టించుకోని అనసూయ.. తన ప్రైవేట్ లైఫ్ వేరెవరికో నచ్చినట్లుగా ఉండాల్సిన అవసరం లేదని చెబుతుంటుంది. ఏదైనా ముక్కుసూటిగా మాట్లాడే ఆమె.. తాజాగా తన భర్తను ఉద్దేశిస్తూ ఓ పోస్ట్ పెట్టడంతో అది వెంటనే వైరల్ అయింది.

ఇప్పటికే చాలా ఇంటర్వ్యూల్లో తన భర్త సుశాంక్ భరద్వాజ్‌పై ఉన్న ప్రేమను బయటపెట్టింది అనసూయ. అతన్ని ప్రేమించి పెళ్లాడిన అనసూయ తనకు భర్తే సర్వస్వం అని, కెరీర్ పరంగా నిత్యం ఆయన ఎంతో ప్రోత్సహిస్తూ తనకు సహకరిస్తారని తెలిపిన సందర్భాలు బోలెడు. ఇక తన ఎదపై కూడా భర్త సుశాంక్ ముద్దు పేరు నిక్కు అని పచ్చబొట్టు పొగిపించుకొని తన ప్రేమను చాటుకుంది. ప్రతి పండగకు భర్త సుశాంక్, తన ఇద్దరు పిల్లలతో ఫుల్ ఎంజాయ్ చేస్తూ ఆయా ఫొటోలను సోషల్ మీడియాలో పంచుకోవడం అనసూయ హ్యాబీ.

ఈ క్రమంలోనే తాజాగా తన భర్త ఎదపై వాలి చిరునవ్వు చిందిస్తున్న ఓ పిక్ షేర్ చేసింది అనసూయ. దీనిపై 'నేను ఇంత ఆనందంగా నవ్వుతూ బ్రతుకుతుంది నీ వల్లే. నువ్వు ప్రసాదించిన నవ్వే అది' అని ట్యాగ్ చేస్తూ మరోసారి భర్తపై ఉన్న ప్రేమ బయటపెట్టింది ఈ జబర్దస్త్ బ్యూటీ. దీంతో సామాజిక మాధ్యమాల్లో వెంటనే ఈ పిక్ వైరల్ అయింది. ఈ క్యూట్ పిక్ చూసి బ్యూటిఫుల్ జోడీ అని చాలామంది నెటిజన్స్ కామెంట్స్ చేస్తుండగా, కొందరు మాత్రం ఎప్పటిలాగే నెగెటివ్ దారిలో పోతూ రచ్చ చేస్తున్నారు.
వెండితెరపై వంటలక్క.. యంగ్ హీరో సినిమాలో ప్రేమి విశ్వనాథ్‌! అతని ఎనర్జీకి ఆమె తోడైతే ఇక రచ్చే..
ఇకపోతే బుల్లితెర, వెండితెరలపై రంగమ్మత్త జోరు మామూలుగా లేదనే చెప్పుకోవాలి. జబర్దస్త్‌తో పాటు పలు కార్యక్రమాలు హోస్ట్ చేస్తున్న అనసూయ.. ప్రస్తుతం వరుస సినిమాలతో బిజీగా ఉంది. కృష్ణ వంశీ తెరకెక్కిస్తున్న 'రంగమార్తాండ' సినిమాతో పాటు సుకుమార్ రూపొందిస్తున్న 'పుష్ప' సినిమాలో నటిస్తున్న ఆమె, మరో మూడు తెలుగు సినిమాల్లో భాగమవుతోంది.
View this post on Instagram A post shared by Anasuya Bharadwaj (@itsme_anasuya)

Leave a Reply

Your email address will not be published. Required fields are marked *

Next Post

కౌశిక్ రెడ్డి సంచలన కామెంట్స్: ట్విస్ట్ ఇచ్చిన రేవంత్ రెడ్డి, 4 సార్లు భోజనం పెట్టి..

Tue Jul 13 , 2021
Telangana Congress: టీఆర్ఎస్ నాయకులు హుజురాబాద్ నియోజకవర్గంలో చురుగ్గా ప్రచారం చేస్తున్నా కానీ, వారికి ఉప ఎన్నికల్లో అభ్యర్థి కరవయ్యాడని రేవంత్ రెడ్డి వెల్లడించారు.