సాయం అందించడానికి సిద్ధంగా ఉన్నాను.. కీలక ప్రకటన చేసిన ఆలియా భట్

కరోనా కారణంగా దేశం మరోసారి తీవ్ర సంక్షోభంలోకి వెళ్లిపోయింది. సరైన వైద్య సౌకర్యాలు లేక ప్రతీ రోజు వేలాది మంది ప్రాణాలు కోల్పోతున్నారు. ఈ నేపథ్యంలో ప్రజలు సహాయం అందించేందుకు పలువురు సెలబ్రిటీలు ముందుకొస్తున్నారు. తాజాగా నటి ఆలియా భట్ తాను కష్టాల్లో ఉన్నవారికి సహాయం అందించేందుకు సిద్ధంగా ఉన్నానని ప్రకటించింది.

రెండో దశలో భారతదేశంలో కరోనా విలయతాండవం చేస్తుంది. రోజువారిగా లక్షల సంఖ్యలో కొత్త పాజిటివ్ కేసులు, వేల సంఖ్యలు మరణాలు సంభవిస్తున్నాయి. ఈ ఉపద్రవాన్ని ముందుగానే ఊహించకపోవడంతో.. చాలా ప్రాంతాల్లో వైద్య సౌకర్యాలకు కొరత ఏర్పడింది. ముఖ్యంగా ఆక్సిజన్ సరఫరా లేకపోవడం.. రోగులకు వైద్యం అందించేందుకు బెడ్ల లేకపోవడంతో.. కరోనా రోగులు తీవ్ర ఇబ్బందులు ఎదురుకుంటున్నారు. ఈ క్రమంలో పలువురు ప్రాణాలు కూడా కోల్పోతున్నారు. మరోవైపు ఈ సంక్షోభాన్ని అధిగమించేందుకు ప్రభుత్వాలు అన్ని విధాలుగా ప్రయత్నాలు చేస్తున్నాయి.

అయితే ఈ క్లిష్ట పరిస్థితుల్లో ప్రజల్ని ఆదుకొనేందుకు పలువురు సెలబ్రిటీలు మేము సైతం అంటూ ముందుకు వస్తున్నారు. ఇప్పటికే బాలీవుడ్ నటుడు ‘సోనుసూద్’ తన వంతు సహాయ కార్యక్రమాలను అందిస్తున్నాడు. మరి కొందరు సెలబ్రిటీలు కూడా తమకు తోచిన సహాయం చేస్తున్నారు. నటుడు గుర్మీత్ చౌదరీ కోవిడ్ పేషంట్ల కోసం సకల సౌకర్యాలతో పాట్నా, లక్నోలలో ఆస్పత్రులు ప్రారంభిస్తానని ఆదివారం ప్రకటించాడు. తాజాగా ఆలియా భట్ కూడా కోవిడ్ రోగులను ఆదుకొనేందుకు ముందుకు వచ్చింది. ఎవరికైనా తక్షణ సహాయం కావాలంటే తనని సంప్రదించాలని ఆమె ప్రకటించింది.

కరోనాతో దేశం అల్లకల్లోలం అవుతున్న సమయంలో ఆలియా తన ప్రియుడు రణ్‌బీర్‌తో కలిసి మాల్దీవులకు షికారుకు వెళ్లింది. వీరిద్దరు ఎయిర్‌పోర్టులో ఉన్న ఫోటోలు వైరల్ అయ్యాయి. ఆ తర్వాత సోషల్‌మీడియా ద్వారా కూడా అక్కడ హాలీడేని ఎంజాయ్ చేస్తున్న ఫోటోలను పంచుకుంది ఆలియా. ఈ క్రమంలో వీరిపై విమర్శల వర్షం కురిసింది. ఓవైపు దేశం అట్టుడికిపోతుంటే మీకు హాలీడేలు కావాల్సి వచ్చాయా.. అంటూ జనం వీరిపై మండిపడ్డారు.

అయితే తన హాలీడేని ముగించుకొని రెండు రోజుల క్రితం ముంబై చేరిన ఆలియా ప్రజలకు సహాయం చేసేందుకు రంగంలోకి దిగింది. ఈ మేరకు ఆమె ఇన్‌స్టాగ్రామ్‌లో ప్రకటన చేసింది. ఇప్పుడు దేశంలో పరిస్థితులు చాలా దారుణంగా ఉన్నాయని చెప్పిన ఆలియా ఎవరికైనా తక్షణ సహాయం అవసరం ఉంటే వారి వివరాలను సేకరించి వెంటనే సహాయం అందిస్తానని పేర్కొంది. ఇందుకోసం ఆమె జర్నలిస్టు ఫయే డిసౌజాతో కలిసి పని చేస్తున్నట్లు తెలిపింది. కోవిడ్ రోగుల వివరాలను సేకరించి.. వారికి ఏ సహాయం అవసరం కావాలో తెలుసుకొని.. ఆ సహాయం అందించేందుకు అన్ని విధాలుగా కృషి చేస్తామని స్పష్టం చేసింది.
View this post on Instagram A post shared by Alia Bhatt ☀️ (@aliaabhatt)

Leave a Reply

Your email address will not be published. Required fields are marked *

Next Post

ఓటీటీలో అడుగేస్తున్న పవర్ స్టార్.. ఇక అమెజాన్‌ ప్రైమ్‌లో వకీల్ సాబ్ సందడి.. రిలీజ్ డేట్ ఫిక్స్

Tue Apr 27 , 2021
పవన్ కళ్యాణ్ 'వకీల్ సాబ్' సినిమా ఓటీటీ వేదికపై ప్రసారం కాబోతోంది. ఈ మేరకు అఫీషియల్ స్టేట్‌మెంట్ ఇచ్చారు. అమెజాన్‌ ప్రైమ్‌ వీడియోలో ఈ సినిమా స్ట్రీమింగ్ కానుంది.