భారత్ జట్టులో రెండో కరోనా కేసు.. క్వారంటైన్‌లోకి కోచ్‌లు

టీమిండియాలో కరోనా కలకలం రేగింది. ఈరోజు ఉదయం రిషబ్ పంత్ కరోనా వైరస్ బారినపడిట్లు వెలుగులోకిరాగా.. సాయంత్రానికి కోచింగ్ స్టాఫ్‌లో ఒకరికి పాజిటివ్‌గా తేలింది. దాంతో…

ప్రధానాంశాలు:ఇంగ్లాండ్ టూర్‌లోని భారత్ జట్టులో కరోనా కేసులుఈరోజే రిషబ్ పంత్.. ఆ తర్వాత గంటల్లోనే కోచింగ్ స్టాఫ్‌లో ఒకరికిక్వారంటైన్‌లోకి వెళ్లిన ముగ్గురు కోచింగ్ స్టాఫ్ఇంగ్లాండ్‌తో ఆగస్టు 4 నుంచి టెస్టు సిరీస్ఇంగ్లాండ్ టూర్‌లోని భారత్ జట్టులో వరుసగా రెండో కరోనా కేసు నమోదైంది. ఇప్పటికే యువ వికెట్ కీపర్ రిషబ్ పంత్ కరోనా వైరస్ బారినపడగా.. తాజాగా కోచింగ్ స్టాఫ్‌లో ఒకరు ఈ మహమ్మారి బారినపడినట్లు వెలుగులోకి వచ్చింది. ఆగస్టు 4 నుంచి సెప్టెంబరు 14 వరకూ ఇంగ్లాండ్‌తో ఐదు టెస్టుల సిరీస్‌ని టీమిండియా ఆడాల్సి ఉండగా.. ఇటీవల జట్టుకి 20 రోజుల బ్రేక్ ఇచ్చారు. ఈ విరామ సమయంలో ఇంగ్లాండ్‌లోని పర్యాటక ప్రాంతాల్లో కొంత మంది క్రికెటర్లు పర్యటించగా.. మరికొందరు వింబుల్డన్, యూరో కప్ మ్యాచ్‌లను చూసేందుకు స్టేడియాలకి వెళ్లారు. పంత్ అలా యూరో కప్‌ని స్నేహితులతో కలిసి స్టేడియంలో కూర్చుని వీక్షించడం ద్వారా కరోనా వైరస్ బారినపడినట్లు తెలుస్తోంది.

ఇంగ్లాండ్ టూర్‌కి భారత్ జట్టు వెంట నలుగురు కోచింగ్ స్టాఫ్ వెళ్లారు. ఇందులో చీఫ్ కోచ్ రవిశాస్త్రి, బ్యాటింగ్ కోచ్ విక్రమ్ రాథోడ్, బౌలింగ్ కోచ్ భరత్ అరుణ్, ఫీల్డింగ్ కోచ్ ఆర్. శ్రీధర్ ఉన్నారు. వీరిలో ఒకరికి కరోనా పాజిటివ్‌గా తేలగా.. మిగిలిన ముగ్గురు ప్రస్తుతం క్వారంటైన్‌లోకి వెళ్లినట్లు వార్తలు వస్తున్నాయి. కానీ.. కరోనా వైరస్ బారినపడిన కోచ్‌ పేరుని టీమిండియా మేనేజ్‌మెంట్ గోప్యంగా ఉంచుతోంది. భారత క్రికెటర్లతో పాటు కోచింగ్ స్టాఫ్‌కి కూడా ఇటీవల కరోనా వ్యాక్సిన్ సెకండ్ డోస్ పూర్తయింది.

బ్రేక్‌ని పూర్తి చేసుకున్న భారత క్రికెటర్లు కంట్రీ ఛాంపియన్‌షిప్‌తో ఈ నెల 20 నుంచి వార్మప్ మ్యాచ్‌లు ఆడనున్నారు. మూడు రోజుల ఈ వార్మప్ మ్యాచ్ కోసం ఈ రోజు డర్హామ్ భారత క్రికెటర్లు టీమిండియా మేనేజ్‌మెంట్‌కి రిపోర్ట్ చేయాల్సి ఉంది. కానీ.. ఈరోజే అదీ గంటల వ్యవధిలో పంత్, కోచింగ్ స్టాఫ్‌లో ఒకరు కరోనా వైరస్ బారినపడినట్లు వెలుగులోకి రావడం భారత్ జట్టులో కంగారు పెంచుతోంది.

Leave a Reply

Your email address will not be published. Required fields are marked *

Next Post

డిజిటల్ బోధన కోసం హెచ్‌పీ కొత్త టెక్నాలజీ.. దీంతో ఆన్‌లైన్ క్లాసులు ఇక అలా!

Thu Jul 15 , 2021
టెక్ దిగ్గజం హెచ్‌పీ డిజిటల్ లెర్నింగ్ కోసం సరికొత్త టెక్నాలజీని అందుబాటులోకి తీసుకువచ్చింది. దీని ద్వారా పాఠశాలలు మరింత సమర్ధవంతంగా ఆన్‌లైన్ క్లాసులు నిర్వహించవచ్చు.