బచ్చన్ ఫ్యామిలీకి ఏమైంది..? ఆస్పత్రికి వచ్చిన అమితాబ్.. ఐశ్వర్య మాత్రం ఆలస్యంగా..

భారత సినిమా ఇండస్ట్రీలో టాప్ ఫ్యామిలీ ఎవరు అంటూ అమితాబ్ బచ్చన్ ఫ్యామిలీ అనే చెప్పుకోవాలి. మరి అలాంటి ఫ్యామిలీలో ఓ విషాదం చోటు చేసుకుంటే అది ఫ్యాన్స్ అందరికీ బాధాకరంగానే ఉంటుంది. తాజాగా ఆ కుటుంబంలో అలాంటి సంఘటనే జరిగింది.

ఎన్నో సినిమాలతో ప్రేక్షకుల మనస్సు దోచుకున్న నటుడు ఆయన.. తన నటనతో బాలీవుడ్‌లో ఓ ప్రత్యేకమైన ట్రేడ్ మార్క్‌ను క్రియేట్ చేశారు. విలక్షణమైన నటనకి, విభిన్నమైన పాత్రలు చేయడానికి ఆయన కేరాఫ్ అడ్రెస్. ఆయనే బాలీవుడ్ షెహన్‌షా.. బిగ్ బీ అమితాబ్ బచ్చన్. ఆయన చేసిన సినిమాలు అన్ని దాదాపు బ్లాక్‌బస్టర్లే. ఎంత వయస్సు వచ్చినా ఆయనకు ఉండే ఫ్యాన్ ఫాలోయింగ్ మాత్రం తగ్గడం లేదు. ఇక ఆయన ఫ్యామిలీలోని అందరు నటులే. ఆయన భార్య జయ బచ్చన్, కుమారుడు అభిషేక్ బచ్చన్, కోడలు ఐశ్వర్యరాయ్ బచ్చన్.. అందరికీ సుపరిచితులే.

ప్రస్తుతం భారత సినిమా ఇండస్ట్రీలో టాప్ ఫ్యామిలీ ఎవరు అంటే ముందుగా అందరికి గుర్తుకు వచ్చేది బచ్చన్ ఫ్యామిలీనే. అంతలా సినిమా ఇండస్ట్రీపై ప్రభావం చూపించింది ఈ కుటుంబం. అయితే తాజాగా ఈ ఫ్యామిలీలో అనుకోకుండా ఓ విషాదం చోటు చేసుకుంది. అదేంటంటే.. బిగ్ బీ కుమారుడు అభిషేక్ తాజాగా ప్రమాదానికి గురయ్యారు. కొన్ని రోజుల కిందట ఓ సినిమా షూటింగ్‌లో జరిగిన ప్రమాదంలో ఆయన చేతికి గాయమైంది. తాజాగా ఆ గాయం మరోసారి తిరగబడటంతో ప్రస్తుతం ఆయన ముంబైలోని లీలావతి హాస్పిటల్‌లో చికిత్స పొందుతున్నట్లు సమాచారం.

అయితే ఈ వార్త తెలిసి అమితాబ్.. తన కుమార్తె శ్వేతా బచ్చన్‌తో కలిసి లీలావతి ఆస్పత్రికి చేరుకున్నారు. అయితే ఐశ్వర్య మాత్రం వార్త తెలిసిన వెంటనే తన భర్తను చూసేందుకు రాలేకపోయింది. అందుకూ ఓ కారణం ఉంది. ఆమె ప్రస్తుతం మణిరత్నం దర్శకత్వం వహిస్తున్న ‘పొన్నియన్ సెల్వం’ అనే సినిమాలో ఓ కీలక పాత్రలో నటిస్తోంది. ఈ సినిమా షూటింగ్‌లో ఉండటం కారణంగానే ఐశ్వర్య ఆలస్యంగా ఆస్పత్రికి చేరుకుంది. ప్రస్తుతం అభిషేక్ ఆరోగ్య పరిస్థితి స్థిమితంగానే ఉన్నట్లు సమాచారం.

Leave a Reply

Your email address will not be published. Required fields are marked *

Next Post

కాబూల్‌: ఉక్రెయిన్ విమానం దొంగిలించి.. ఇరాన్‌కు ఎత్తుకెళ్లిన గుర్తుతెలియని వ్యక్తులు!

Tue Aug 24 , 2021
అఫ్గనిస్థాన్‌ను తాలిబన్లు హస్తగతం చేసుకోవడంతో పలు దేశాలు అక్కడ చిక్కుకున్న తమ పౌరులను సురక్షితంగా తరలించేందుకు ప్రత్యేక విమానాలను నడుపుతున్నాయి.