Milkha Singh పరుగు ఆగిపోయింది.. ఫ్లయింగ్ సిఖ్‌‌గా పేరొచ్చిందిలా

ఆసియా ఫాస్టెస్ట్ స్ప్రింటర్‌గా పేరొందిన పాకిస్థాన్ అథ్లెట్‌ని 1958లో ఓడించిన మిల్కాసింగ్.. క్రీడా ప్రపంచాన్ని ఆశ్చర్యపరిచాడు. కేవలం 0.1 సెకను తేడాతో ఒలింపిక్స్ పతకాన్ని..

ప్రధానాంశాలు:కామన్వెల్త్ గేమ్స్‌లో గోల్డ్ మెడల్ సాధించిన భారత ఫస్ట్ అథ్లెట్రోమ్ ఒలింపిక్స్‌లో 0.1 సెకను తేడాతో చేజారిన పతకంఅర్జున అవార్డుని అప్పట్లో తిరస్కరించిన మిల్కాసింగ్మిల్కాసింగ్ భార్య ఐదు రోజుల క్రితం కరోనాతో మృతిట్రాక్‌పై చిరుతని తలపించే పరుగుతో ప్రపంచ వేదికలపై భారత జెండాని రెపరెపలాడించిన మిల్కా సింగ్.. కరోనాతో పోరాడుతూ శుక్రవారం రాత్రి తుది శ్వాస విడిచారు. మే 20న కరోనా వైరస్ బారినపడిన మిల్కాసింగ్ (91) వేగంగా కోలుకున్నట్లు కనిపించినా.. మధ్యలో ఆక్సిజన్ లెవల్స్ పడిపోవడంతో గత కొద్దిరోజుల నుంచి ఆసుపత్రిలో చికిత్స తీసుకున్నారు. కానీ.. వైద్యుల శ్రమ ఫలించలేదు. 1958 కామన్వెల్త్ గేమ్స్‌‌లో భారత్‌కి బంగారు పతకం అందించిన మిల్కాసింగ్.. ఆసుపత్రిలో తుదిశ్వాస విడిచినట్లు అతని కొడుకు జీవ్ మిల్కా సింగ్ అధికారికంగా ప్రకటించాడు. కామన్వెల్త్ గేమ్స్‌లో వ్యక్తిగత గోల్డ్ మెడల్ సాధించిన ఫస్ట్ ఇండియన్ అథ్లెట్‌గా మిల్కాసింగ్ చరిత్రలో నిలిచిపోయాడు

భారత్ తరఫున 1956 ఒలింపిక్స్ (మెల్‌బోర్న్), 1960 ఒలింపిక్స్ (రోమ్), 1964 ఒలింపిక్స్‌లో (టోక్యో) ప్రాతినిథ్యం వహించిన మిల్కాసింగ్.. రోమ్ ఒలింపిక్స్‌లో కేవలం 0.1 సెకను తేడాతో కాంస్య పతకాన్ని చేజార్చుకున్నాడు. రోమ్ ఒలింపిక్స్ ఫైనల్లో 400మీ పరుగుని కేవలం 45.73 సెకన్లలో మిల్కాసింగ్ పూర్తి చేశాడు. ఈ రికార్డ్‌‌ని దాదాపు 40 ఏళ్ల పాటు భారత అథ్లెట్ ఎవరూ బ్రేక్ చేయలేకపోయారు.

1958లో ఆసియా ఫాస్టెస్ట్ ‌స్ప్రింటర్‌గా పేరొందిన పాకిస్థాన్ స్ప్రింటర్ అబ్దుల్ ఖలీక్‌ని 200మీ పరుగులో ఓడించిన మిల్కాసింగ్.. ఆసియా గేమ్స్ గోల్డ్ మెడల్ సాధించాడు. దాంతో.. అప్పటి నుంచి మిల్కాసింగ్‌ని ‘ది ఫ్లయింగ్ సిఖ్’గా పిలవడం ప్రారంభించారు. 1959లో మిల్కాసింగ్‌ని పద్మశ్రీ అవార్డు వరించింది. అలానే 2001లో అర్జున అవార్డుకి ఎంపికవగా.. మిల్కాసింగ్ ఆ అవార్డుని స్వీకరించలేదు.‘‘అర్జున అవార్డు 40 ఏళ్లు ఆలస్యంగా వచ్చింది’’ అంటూ సున్నితంగా తిరస్కరించాడు.

91 ఏళ్ల వయసులోనూ మిల్ఖా సింగ్ పూర్తి ఫిట్‌గా కనిపించేవారు. నిత్యం జాగింగ్ చేయడంతోపాటు ఎక్సర్‌సైజ్‌లు చేసేవారని కుటుంబ సభ్యులు తెలిపారు. తమ కుటుంబంలో అందరం రోజూ అరగంట పాటు వ్యాయామం చేస్తామని మిల్ఖా సింగ్ ఇటీవల ఓ ఇంటర్వ్యూలో. తాను మితంగా భోజనం చేస్తానని.. అలానే వేకువజామునే నిద్రలేచి జాగింగ్ చేస్తానని.. ఎప్పుడైనా కొద్దిపాటి అనారోగ్యం తలెత్తినా మందులకి బదులుగా జాగింగ్ చేస్తే అదే తగ్గిపోతుందనేవారు. మిల్కా సింగ్ భార్య నిర్మల్ కౌర్ (85) ఐదు రోజుల క్రితం కరోనాతో చనిపోయారు.

Leave a Reply

Your email address will not be published. Required fields are marked *

Next Post

ఆంధ్రప్రదేశ్‌ గవర్నర్‌గా యడ్యూరప్ప..? బీజేపీ కొత్త ఎత్తుగడ, టార్గెట్ అదే

Sat Jun 19 , 2021
తాజా పరిణామాల నేపథ్యంలో గవర్నర్ మార్పు పెద్ద సంచలనం అవుతోంది. బీజేపీ ఏపీలో ఎంతో కొంత ఎదగాలి అనుకుంటున్న క్రమంలో ఈసారి నామ్ కే వాస్తే గవర్నర్ ను పెట్టకూడదని బీజేపీ ప్రయత్నిస్తోంది.