IND vs ENG: లీడ్స్ టెస్టులో పరువు నిలిపిన పుజారా.. మూడో రోజు భారత్‌దే

లీడ్స్ టెస్టులో తొలి రెండు రోజులు నిరాశపరిచిన భారత్ జట్టు.. మూడో రోజైన శుక్రవారం పూర్తి స్థాయిలో ఆధిపత్యం చెలాయించింది. రోహిత్ శర్మ, విరాట్ కోహ్లీ కంటే దూకుడుగా ఆడేసిన పుజారా..

ప్రధానాంశాలు:లీడ్స్ టెస్టులో పుంజుకున్న భారత్ జట్టుమూడు రోజు పూర్తి స్థాయిలో ఇంగ్లాండ్‌పై ఆధిపత్యంపుజారా, రోహిత్ శర్మ హాఫ్ సెంచరీలుకోహ్లీతో కలిసి పుజారా అజేయ శతక భాగస్వామ్యం ఇంగ్లాండ్‌తో లీడ్స్ వేదికగా జరుగుతున్న మూడో టెస్టులో టీమిండియా ఎట్టకేలకి పుంజుకుంది. మ్యాచ్‌లో మూడో రోజైన శుక్రవారం ఇంగ్లాండ్ టీమ్‌ని 432 పరుగులకి తొలి ఇన్నింగ్స్‌లో ఆలౌట్ చేసిన భారత్ జట్టు.. అనంతరం రెండో ఇన్నింగ్స్‌లో ఈరోజు ఆట ముగిసే సమయానికి 215/2తో నిలిచింది. క్రీజులో చతేశ్వర్ పుజారా (91 బ్యాటింగ్: 180 బంతుల్లో 15×4), కెప్టెన్ విరాట్ కోహ్లీ (45 బ్యాటింగ్: 94 బంతుల్లో 6×4) ఉన్నారు. అయినప్పటికీ.. భారత్ జట్టు ఇంకా 139 పరుగులు వెనుకబడి ఉంది. తొలి ఇన్నింగ్స్‌లో భారత్ జట్టు గత బుధవారం 78 పరుగులకే ఆలౌటైన విషయం తెలిసిందే.

శుక్రవారం ఓవర్‌నైట్ స్కోరు 423/8తో బ్యాటింగ్ కొనసాగించిన ఇంగ్లాండ్ జట్టుని 15 నిమిషాల వ్యవధిలోనే టీమిండియా కుప్పకూల్చింది. ఓవర్‌నైట్ వ్యక్తిగత స్కోరు 24తో బ్యాటింగ్ కొనసాగించిన ఓవర్టన్ (32: 42 బంతుల్లో 6×4) ఈరోజు మహ్మద్ షమీ వేసిన మొదటి ఓవర్‌లోనే బ్యాక్ టు బ్యాక్ ఫోర్లు కొట్టాడు. కానీ.. ఆ తర్వాత మళ్లీ బౌలింగ్‌కి వచ్చిన షమీ అతడ్ని బోల్తా కొట్టించాడు. ఆ నెక్ట్స్ ఓవర్‌లోనే ఓలీ రాబిన్సన్ (0: 15 బంతుల్లో)ని జస్‌ప్రీత్ బుమ్రా క్లీన్ బౌల్డ్ చేయడంతో.. ఇంగ్లాండ్ తొలి ఇన్నింగ్స్ ముగిసింది. భారత బౌలర్లలో మహ్మద్ షమీ నాలుగు వికెట్లు పడగొట్టగా.. బుమ్రా, సిరాజ్, జడేజాకి తలో రెండు వికెట్లు దక్కాయి.

354 పరుగుల తొలి ఇన్నింగ్స్ లోటుతో ఈరోజు రెండో ఇన్నింగ్స్ ప్రారంభించిన భారత్ జట్టుకి ఆరంభంలోనే ఎదురుదెబ్బ తగిలింది. క్రీజులో సెటిలైనట్లు కనిపించిన ఓపెనర్ కేఎల్ రాహుల్ (8: 54 బంతుల్లో) తక్కువ స్కోరుకే ఔటయ్యాడు. కానీ.. ఆ తర్వాత క్రీజులోకి వచ్చిన చతేశ్వర్ పుజారాతో కలిసి దూకుడుగా ఆడిన రోహిత్ శర్మ (59: 156 బంతుల్లో 7×4, 1×6) హాఫ్ సెంచరీ నమోదు చేశాడు. ఈ జోడి రెండో వికెట్‌కి 82 పరుగుల భాగస్వామ్యం నెలకొల్పింది. కానీ.. టీమ్ స్కోరు 116 వద్ద ఓలీ రాబిన్సన్ బౌలింగ్‌లో రోహిత్ శర్మ ఎల్బీడబ్ల్యూగా ఔటయ్యాడు. అయితే.. అప్పటి వరకూ నెమ్మదిగా ఆడిన పుజారా.. ఆ తర్వాత గేర్ మార్చాడు. కెప్టెన్ విరాట్ కోహ్లీతో కలిసి ఎడా పెడా ఫోర్లు బాదేశాడు. ఈ క్రమంలో విరాట్ కోహ్లీతో కలిసి మూడో వికెట్‌కి 196 బంతుల్లో 99 పరుగుల అజేయ భాగస్వామ్యాన్ని పుజారా నెలకొల్పాడు. రోహిత్, కోహ్లీ కాస్త ఆచితూచి ఆడినా.. పుజారా మాత్రం తన సహజశైలికి భిన్నంగా దూకుడుగా ఆడటం గమనార్హం.

Leave a Reply

Your email address will not be published. Required fields are marked *

Next Post

Rohit Sharma ఔట్ తర్వాత కోహ్లీ‌కి బదులుగా బ్యాటింగ్‌కి జార్వో.. ఈడ్చేసిన సెక్యూరిటీ

Sat Aug 28 , 2021
లార్డ్స్ టెస్టులో టీమిండియా తరఫున ఆడేందుకు మైదానంలోకి వెళ్లిన జార్వో.. తాజా లీడ్స్ టెస్టులో బ్యాటింగ్ కోసం ఏకంగా క్రీజులోకి వెళ్లిపోయాడు. ఆలస్యంగా అతడ్ని గుర్తించిన సెక్యూరిటీ సిబ్బంది..